IPLIN
 
  • Home
  • Business
  • aadhaar card update uidai discontinue aadhaar reprint service know details pvc card

Aadhaar Update / બંધ થઈ આધાર કાર્ડ સાથે જોડાયેલી આ સર્વિસઃ UIDAIએ આપી છે જાણકારી, જાણો તમે પણ

Team VTV 08:43 AM, 28 May 21
Follow us
aadhaar card update uidai discontinue aadhaar reprint service know details pvc card

હાલમાં UIDAIએ આધાર સાથે જોડાયેલી એક સર્વિસ આધારને રીપ્રિન્ટ કરવાનું બંધ કર્યું છે. તેની જાણકારી તેણે યૂઝર્સને ટ્વિટર પર આપી છે.

  • UIDAIએ આપી છે જાણકારી
  • બંધ થઈ આધાર કાર્ડ સાથે જોડાયેલી આ સર્વિસ
  • UIDAIએ આધારને રીપ્રિન્ટ કરવાનું બંધ કર્યું છે

Aadhaar Card હાલમાં દરેક વ્યક્તિને માટે એક મહત્વનું ડોક્યુમેન્ટ બન્યું છે. આ સમયે આધાર વિના અને આધારમાં ભૂલ હોય તો તેના કારણે તમારા અનેક કામ રોકાઈ શકે છે. લોકો મુશ્કેલીને ઘટાડવા અને સાથે સારી સુવિધા મેળવવા માટે આધાર કાર્ડ બનાવતી સંસ્થા  Unique Identification Authority of India (UIDAI) પર આધાર રાખી રહી છે. આ કારણે તમારે એ જાણી લેવું જરૂરી છે કે  UIDAI કયા નિર્ણયો લઈ રહી છે અને તેનાથી તમારા પર શું અસર થશે.  હાલમાં UIDAIએ આધાર સાથે જોડાયેલી એક સર્વિસને બંધ કરી છે. તેની જાણકારી તેણે યૂઝર્સને ટ્વિટર પર આપી છે.


 
કઈ સર્વિસને કરી છે બંધ
UIDAIએ હવે જૂના અને લાંબા આધાર કાર્ડને રિપ્રિન્ટ કરવાની સુવિધા બંધ કરી છે. પહેલા આધાર કાર્ડને રિપ્રિન્ટ કરવાનું ફોર્મેટ અલગ હતુ તેને બદલી દેવાયું છે. UIDAI હવે  PVC આધાર કાર્ડ જાહેર કરી રહી છે. જેની સાઈઝ ડેબિટ કાર્ડ જેટલી નાની હોય છે અને તમે તેને પર્સમાં કે ખિસ્સામાં સરળતાથી રાખી શકો છો. ઉલ્લેખનીય છે કે જે આધાર કાર્ડને પ્રિન્ટ કરવાનું બંધ કરાયું છે તેની સાઈઝ ખૂબ જ મોટી રહેતી હતી. 

UIDAIએ ટ્વિટમાં આપી છે આ જાણકારી
તેઓએ કહ્યું છે કે હવેથી સાઈટ પર આધાર રિપ્રિન્ટનું ઓપ્શન દેખાશે નહીં. આ સર્વિસ બંધ કરી દેવામાં આવી છે. તમે ઓનલાઈન માધ્યમથી આધાર પીવીસી કાર્ડ ઓનલાઈન ઓર્ડર કરી શકો છો. જો તમે આધારને ફ્લેક્સિબલ પેપર ફોર્મેટમાં રાખવા ઈચ્છો છો તો તમે ઈ આધારની પ્રિન્ટ કાઢી શકો છો.  

 
આ રીતે બનાવડાવો પીવીસી આધાર કાર્ડ

તમે મોબાઈલની મદદથી PVC આધાર કાર્ડને ઓર્ડર કરી શકો છો અથવા તો ફોનમાં પણ ડાઉનલોડ કરીને સેવ કરી શકો છો. તો જાણો શું છે આ માટેની પ્રોસેસ.

  • જો તમે PVC આધાર કાર્ડ બનાવડાવવા ઈચ્છો છો તો તમે યૂઆઈડીએઆઈની વેબસાઈટ uidai.gov.in પર જાઓ અથવા તો resident.uidai.gov.in પર જાઓ.
  • અહીં તમે માય આધાર પર ક્લિક કરો.
  • હવે 'Order Aadhaar PVC Card' પર ક્લિક કરો તો એક નવું પેજ ઓપન થશે.
  • વેબસાઈટ પર કાર્ડ નંબર, વર્ચ્યુઅલ આઈડી નંબર કે રજિસ્ટ્રેશન નંબર લખો.
  • આ પછી કેપ્ચા કોડ કે સિક્યોરિટી કોડ ભરો જે એલ્ફાન્યૂમેરિક હશે.
  • અહીં તમને એક નાની કોલમ દેખાશે જ્યાં લખ્યું હશે કે મોબાઈલ નંબર રજિસ્ટર્ડ નથી. તેની પર ધ્યાનથી ટિક કરો.
  • જે ઓલ્ટરનેટિવ નંબર તમે નાંખ્યો હશે તેની પર ઓટીપી મળશે.
  • આ ઓટીપી નંબર અહીં ભરો.
  • આ સાથે 50 રૂપિયાની ફી ઓનલાઈન ભરીને તમે ઘરે બેઠા પીવીસી આધાર કાર્ડ મંગાવી શકો છો.
     
Aadhaar Card Update UIDAI Aadhaar reprint આધાર કાર્ડ સર્વિસ બંધ આધાર પીવીસી કાર્ડ સુવિધા રીપ્રિન્ટ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ