ચકચાર / સુરતના ઉનામાં યુવકનું રહસ્યમય સંજોગોમાં મોત, સારવાર થાય એ પહેલાં જ તબીબીએ મૃત જાહેર કર્યો

• સુરતના ઉન વિસ્તારમાં રહસ્યમય સંજોગોમાં યુવકનું મોત
• સલીમની તાડીના અડ્ડા પરથી આવ્યા બાદ તબિયત લથડી હતી
• પોસ્ટમોર્ટમ કર્યા બાદ મોતનું સાચું કારણ સામે આવશે

સુરતના ઉન વિસ્તારમાં રહેતા અને વ્યસનની ટેવ ધરાવતા યુવકનું રહસ્યમય સંજોગોમાં મોત નિપજતા ચકચાર મચી જવા પામી હતી. ત્યારે યુવક તાડીના અડ્ડા પરથી આવ્યા બાદ અચાનક તેની તબિયત લથડતા તેને સારવાર અર્થે હોસ્પિટલ ખાતે ખસેડાયો હતો. જ્યાં ફરજ પરના તબીબે તેને મૃત જાહેર કર્યો હતો. 

રહસ્યમય સંજોગોમાં યુવકનું મોત નિપજ્યું

સુરતના ઉન વિસ્તારમાં રહસ્યમય સંજોગોમાં યુવકનું મોત નિપજ્યું. નરગીસ નગરમાં સલીમ ગાઝી નામના યુવકનુ મોત થયું. ત્યારે અચાનક તબિયત લથડતા સલીમને હોસ્પિટલ ખસેડાયો હતો. જ્યાં સારવાર થાય તે પહેલા ફરજ પરના તબીબીએ મૃત જાહેર કર્યો. સલીમ તાડીના અડ્ડા પરથી આવ્યા બાદ તેની તબિયત લથડી હતી. ફોરેન્સિક પોસ્ટમોર્ટમ કર્યા બાદ મોતનું સાચું કારણ સામે આવશે.

પોસ્ટમોર્ટમ રિપોર્ટ આવ્યા બાદ પોલીસે આગળની કાર્યવાહિ હાથ ધરશે
ત્યારે યુવકનું મોત નિપજતા આ અંગે પોલીસે ગુનો નોંધી તપાસ હાથ ધરી છે. પરંતું યુવકનું મોત શા કારણથી થયું તે પોસ્ટમોર્ટમ રિપોર્ટ આવ્યા બાદ જ ખબર પડશે. ત્યારે પોલીસ પોસ્ટમોર્ટમ રિપોર્ટની રાહ જોઈ રહી છે. પોસ્ટમોર્ટમ રિપોર્ટ આવ્યા બાદ પોલીસ દ્વારા યુવકનાં મોત માટે જવાબદાર વ્યક્તિની ધરપકડ કરવામાં આવશે. તેવું સુત્રો દ્વારા જાણવા મળી રહ્યું છે.