વીડિયો / આપઘાત કરવા ફ્લાયઓવરના 70 ફુટ ઉચા પિલ્લર પર યુવક લટક્યો, પછી કઈક એવું થયું કે..

• 70 ફુટ ઉચા પિલ્લર પર યુવક આપઘાત ચઢ્યો 
• ડિંડોલી ફ્લાયઓવરના પિલ્લર પર યુવક ચઢ્યો હતો 
• ફાયરબ્રીગેડના જવાનોએ યુવકનો જીવ બચાવ્યો 

સુરતના ડિંડોળી વિસ્તારમાં એક યુવકે આત્મહત્યાનો પ્રયાસ કર્યો હોવાનું સામે આવ્યું છે. જોકે આ યુવકને આત્મહત્યા કરતો જોઈને લોકોએ તુરંત ફાયર વિભાગને કોલ કર્યો. જેથી તેનો જીવ બચી ગયો છે. પ્રાપ્ત માહિતી અનુસાર યુવક ડિંડોલી ફ્લાયઓવર બ્રીજના પિલ્લર પર ચઢી ગયો હતો. પરંતુ લોકોનું ધ્યાન જતા તેનો જીવ બચી ગયો છે. 

આપઘાતના પ્રયાસનું કારણ અકબંધ 

વીડિયોમાં આપ જોઈ શકો છો કે રાત્રીનો સમય છે અને ફાયર અધિકારીઓ દોરડાની મદદથી યુવકને ઉપર બ્રીજની ઉપર લાવ્યા છે. આ યુવકનું નામ મનુ કુમાર હોવાનું સામે આવ્યું છે. તેણે આત્મહત્યા કરવાનો પ્રયાસ શા માટે કર્યો છે. તેના વીશે હજું સુધી કોઈ પણ પ્રકારની માહિતી સામે નથી આવી. 

12.30 વાગ્યે કર્યો આપઘાતનો પ્રયાસ 

યુવક મનું કુમાર ફ્લાયઓવરના 70 ફુટ ઉચા પિલર પર ચડી ગયો હતો. રાત્રીના 12.30 વાગ્યે ફાયરબ્રીગેડને આ મામલે લોકોએ ફોન કરીને જાણ કરી હતી. જોકે ફાયરબ્રિગેડને જાણ થતાજ તેઓ તુરંત સ્થળ પર પહોચ્યા હતા. જ્યા તેમણે પિલ્લર પર યુવકને જોયો અને તેમણે દોરડાની મદદથી બ્રીજ પરથી નીચે ઉતરીને યુવકનો જીવ બચાવ્યો છે. 

અગાઉ પણ એક યુવકે આ રીતે આપઘાતનો પ્રયાસ કર્યો હતો 

ઉલ્લેખનીય છે કે થોડાક સમય પહેલા અગાઉ પણ સુરતમાં આજ રીતે એક યુવકે બ્રીજ પરથી ઝંપલાવીને મોતને વ્હાલું કરવા જઈ રહ્યો હતો. પરંતુ તે સમયે એક પત્રકારની નજર તેના પર પડી હતી અને તે પત્રકારે યુવકનો જીવ બચાવ્યો હતો.