અમદાવાદમાં એક એવી ઘટના બની જે સાંભળીને ભલભલના હૃદય થંભી જશે. જો તમને કાતિલ ઠંડીમાં સાબરમતી નદીમાં બેસી રહેવાનું કહેવામાં આવે તો શું થાય. જરા વિચારો કાતિલ ઠંડી અને સાબરમતીનું શિતળ પાણી. હાડ થીજવી નાખે. પણ ખરેખર આવું એક યુવક સાથે બન્યું છે. જોગાનુજોગ એક યુવકે કાતિલ ઠંડીમાં સાબરમતી નદીમાં રાત વિતાવી.. હવે તમે વિચારશો કે યુવાનને એવો શોખ શા માટે થયો?
એક યુવાને કાતિલ ઠંડીમાં સાબરમતી નદીમાં રાત વિતાવી
કડકડતી ઠંડીમાં નદીમાં પત્થર પર રહ્યો યુવાન
રેલ્વે ટ્રેક પરથી પસાર થતા રાત્રે નિચે પડ્યો હતો યુવાન
ઘટના પર નજર કરીએ તો યુવાને મજબૂરીના કારણે સાબરમતી નદીમાં એક રાત વિતાવી. મજબૂરી હતી કે તેને તરતા નહોંતુ આવડતું. બીજી કે યુવાન નદીમાં કઈ રીતે પહોંચ્યો.. તો તેના માટે થોડું ફ્લેસબેકમાં જવું પડશે.
રવિવાર રાતની છે ઘટના
રવિવારની રાતની આ ઘટના છે. અર્જૂન આદિ નામનો આ યુવાન મુંબઈનો રહેવાસી છે. જે ડી.કેબિન વિસ્તારમાં તેના મામાના ઘરે આવ્યો હતો. અર્જુન પરત મુંબઈ જવા માટે નીકળ્યો હતો. અને કાલુપુર રેલવે બ્રિજ પરથી રેલવે સ્ટેશન જઈ રહ્યો હતો. તે સમયે ટ્રેનનું વ્હીસલ સંભળાયું. અને અર્જુન ગભરાઈ ગયો. અને તેને ટ્રેનથી બચવા માટે નદીમાં ઝંપલાવી દીધું.
તરતા નહોતુ આવડતું યુવાનને
નદીમાં ઝંપલાવ્યા બાદ ડુબવાથી બચવા માટે નદીમાં એક મોટો પથ્થર હતો જેનો સહારો લઈને યુવાન ડૂબતા બચી ગયો. પણ હવે બહાર નીકળવું મુશ્કેલ હતું. કારણ કે ફોન પાણીમાં પલળી ગયો હતો. તેને અનેક બુમ પાડી. પણ કોઈએ સાંભળી નહીં. મજબૂરીમાં આ યુવાને રાત વિતાવી. બીજા દિવસે સવારે યુવાને બુમ પાડી તે સમયે રિવરફ્રન્ટ પર એક સિક્યોરિટી ગાર્ડ તેને જોઈ ગયો. અને ફાયર બ્રિગેડને જાણ કરતાં આખરે અર્જુનને બચાવી લેવામાં આવ્યો હતો. આમ એક યુવાનને રેલવે બ્રિજ પરથી પસાર થવું મોંઘુ પડ્યું.