અરવલ્લી / મહાદેવપુરા, રસુલપુર પ્રાથમિક શાળામાં માસૂમ બાળકો પાસે કરાવાઇ મજૂરી, બાદમાં આપી 'સફાઇ'

• અરવલ્લી જિલ્લાની પ્રાથમિક શાળાનો વીડિયો વાયરલ
• શિક્ષકોએ શાળામાં માસૂમ બાળકો પાસે સફાઈ કરાવી
• શાળામાં બાળકો સાફ-સફાઈ કરતા નજરે પડ્યા 

અરવલ્લી જિલ્લામાં પ્રાથમિક શાળાના બાળકોને સફાઈ કામદાર બનાવાઈ દેવાયા હોવાનો વીડિયો વાઈરલ થઈ રહ્યો છે. જેના કારણે હોબાળો મચી ગયો છે. મોડાસા-હિંમતનગર માર્ગ પરની 2 શાળાઓમાં બાળકો પાસે સફાઈ કરાઈ હોવાનું સામે આવતા ખળભળાટ મચી ગયો છે. વીડિયોમાં બાળકો સફાઈ કરતા નજરે પડી રહ્યા છે આથી શાળાના શિક્ષકો અને જવાબદાર તંત્રની કામગીરી સામે સવાલો ઉભા થયા છે. 

શિક્ષકોએ બચાવમાં કહ્યં કે શિક્ષણના ભાગ રૂપે સાફ-સફાઈ કરવી
અરવલ્લી જિલ્લમાં શિક્ષકોએ શાળામાં માસૂમ બાળકો પાસે સફાઈ કરાવી હોવાનો પ્રાથમિક શાળાનો વીડિયો વાયરલ થયો છે. જેને પગલે વાલીઓમાં રોષ જોવા મળી રહ્યો છે. મોડાસા-હિંમતનગર માર્ગ પર આવેલી મહાદેવપુરા, રસુલપુર પ્રાથમિક શાળાનો વીડિયો હોવાનું જાણવા મળી રહ્યું છે. જેમાં શિક્ષકો જોહુકમી ચલાવી બાળકો પાસે શાળાનું મેદાન સાફ કરાવી રહ્યા છે. બીજી બાજુ જાગૃત નાગરિકે આ મામલે શિક્ષક પાસેથી જવાબ માંગતા શિક્ષકો પાયા વગરનું નિવેદન આપ્યું હતું. જેમાં પોતાના બચાવમાં શિક્ષકોએ કહ્યં હતું કે "શિક્ષણના ભાગ રૂપે સાફ-સફાઈ કરવી છે.પરંતુ આ પ્રમાણે એક બાજુ વિદ્યાર્થીઓ કચરો વાળતા હતા અને બીજી બાજુ કચરાપેટી પકડીને પણ વિદ્યાર્થીઓ  સાફ સફાઈ કરતા જોવા મળ્યા હતા.

બે દિવસ અગાઉ રાજકોટનો વીડિયો થયો હતો વાયરલ
ઉલ્લેખનીય છે કે બે દિવસ અગાઉ રાજકોટની સોરઠીયા વાડી શાળાનો વીડિયો વાયરલ થયો હતો જેમાં શિક્ષકની ગેરહાજરીમાં સ્કૂલ બહાર સફાઇ કામદાર વિદ્યાર્થીઓને શિક્ષણના પાઠ ભણાવી રહ્યા હતો. આ અંગે જાણ થતાં જાગૃત નાગરિકે સ્કૂલનો વીડિયો બનાવી સોશિયલ મીડિયામા વાયરલ કર્યો હતો. જેમાં શિક્ષકોના કહેવાથી હું દરરોજ સ્કૂલે આવું છું તેવું સફાઇ કામદારએ રટણ રટયું હતું. મને કંઇ કહેશો તો તમારી પર ફોન આવશે તેવી ગર્ભિત ધમકી પણ આપી હતી. આ વીડિયોને લઈને શાળામાં બહારના માણસના પ્રવેશથી શિક્ષણ વ્યવસ્થા અને બાળકોની સલામતી સામેં પણ સવાલો ઉભા થયા હતા. તેવામાં અરવલ્લીની શાળાનો વીડિયો સામે આવતા શિક્ષણ વ્યવસ્થા સામે સવાલો ઉભા થયા છે.