કચ્છમાં ધાણેટી નજીક મોડી રાતે ટ્રક અને ડમ્પર વચ્ચે અકસ્માત સર્જાયો જેમાં બંને વાહનોના ડ્રાયવરોના મોત થયા છે. અકસ્માત એટલો ભયંકર હતો કે બંને વાહનોમાં આગ લાગી ગઈ હતી.જેથી બંને ડ્રાયવરોના મોત થયા હતા.
ટ્રક અને ડમ્મર ધડાકાભેર અથડાતા સર્જાયો અકસ્માત
અકસ્માતમાં બંને વાહનો આગમાં બળીને ખાખ
ભયંકર અકસ્માતને કારણે 2 લોકોના મોત
રાજ્યમાં દિવસેને દિવસે અકસ્માતના બનાવો વધી રહ્યા છે. જેને લઈને હવે તો સરકાર પણ રોડ સેફ્ટી પણ ધ્યાન આપી રહી છે. ત્યારે વધુમાં ફરી પશ્ચિમ કચ્છના ઘાણેટી નજીક એક ભયકંર અકસ્માત સર્જાયો છે. જે અકસ્માતમાં બે લોકોના ઘટના સ્થળેજ કરૂણ મોત થયા હોવાનું સામે આવ્યું છે.
ટ્રક ચાલક અને ડમ્પર ચાલકનું મોક
મોડી રાતે આ અકસ્માત થયો છે. જેમના ટ્રક અને ડમ્પર ધડાકાભેર એકબીજા સાથે અથડાતા ભયંકર અકસ્માત સર્જાયો હતો. અકસ્માત એટલી હદે ભયંક હતો કે ટ્રક ચાલક તેમજ ડમ્પર ચાલકના ઘટના સ્થળેજ મોત થયા હતા.
બંને વાહનો સળીને ખાખ
ભચાઉ હાઈવે પર ધાણેટી પાસે આવેલા પુલીયા પાસે આ અકસ્માત સર્જાયો. જેમા એવી માહિતી સામે આવી છે કે ઓવરટેક કરવાની ઉતાવળમાં ટ્રક ચાલકને કારણે આ અકસ્માત સર્જાયો છે. અકસ્માતને કારણે બંને વાહનોમાં આગ ફાટી નીકળી અને ગણતરીના સમયમાં બંને વાહનો આગની ઝપેટમાં આવી ગયા હતા.
રાત્રીના સમયે સર્જાયો હતો અકસ્માત
રાતના 11.45 વાગ્યાની આસપાસ આ ભયંકર અકસ્માત સર્જાયો હતો જેમા પ્રત્યક્ષદર્શીઓનું કહેવું છે કે અકસ્માત એટલો ભયંકર હતો કે ટ્રકમાં સવાર ત્રણ લોકો આગની ઝપેટમાં આવી ગયા હતા. અકસ્માતની જાણ થતા ભૂજ ફાયર વિભાગની ટીમ સ્થળ પર પહોચી હતી. જ્યા તેમણે સૌથી પહેલાતો આગ પર કાબૂ મેળવ્યો હતો.
આગ લાગવાને કારણે રસ્તો બંધ
ઉલ્લેખનીય છે કે આ અકસ્માતને કારણે આગ એટલી હદે ફેલાઈ હતી કે રસ્તો પણ બંધ થઈ ગયો હતો. જોકે સ્થાનિક યુવકોએ ઘટના સ્થળે પહોચીને ટ્રાફિક ખોલાવ્યો હતો. સાથેજ ફાયર ફાઈટરો દ્વ્રારા જ્યારે આગ કાબૂમાં લેવામાં આવી ત્યારે રસ્તો ખુલ્યો હતો જેથી ટ્રાફીક ક્લીયર થઈ શક્યો.