હની ટ્રેપ / મહિલા દ્વારા વૃદ્ધને ફસાવવાનો ચોંકાવનારો કિસ્સો મહેસાણામાં બન્યો, આવી રીતે બચ્યો વૃદ્ધ

• સતાલાસણાનાં વૃદ્ધ ફસાયા હની ટ્રેપમાં 
• સંબંધ બાંધી મહિલાએ માંગ્યા 5 લાખ
• પોલીસે વૃદ્ધને બચાવ્યા,6 સાગરીતો ફરાર  

ગુજરાતમાં એકલ -દોકલ વ્યક્તિને ફસાવી નાણા પડાવતી ગેંગ ચાલાકીથી પોતાનું કામ કરીને આબાદ છટકી જતી હોય છે.તેમાય ખાસ કરીને મુદ્દો હની ટ્રેપનો હોય. ફસાયેલી વ્યક્તિ કોઈને કહી શક્તિ નથી,પરિણામે ગેંગ માટે કામ આસાન થઇ જતું હોય છે. આવી જ એક ઘટના બની છે મહેસાણાના સતલાસણામાં.  સતલાસણાના એક વૃદ્ધને હની ટ્રેપમાં ફસાવી દાંતાના ગેસ્ટહાઉસમાં બોલાવી શારીરિક સંબંધ બાંધ્યા બાદ વૃદ્ધનું અપહરણ કરી નાણાની માગણી કરવામાં આવી હતી. પોલીસે ફસાયેલા વૃદ્ધને તો છટકું ગોઠવી બચાવી લીધા પણ મહિલા અને સાગરીતો રફુચક્કર થઇ ગયા છે. 

અપહરણ કરી માંગ્યા 5 લાખ 

સતલાસણાનાં એક વૃદ્ધને સોનલ પંચાલ નામની  મહિલાએ હની ટ્રેપમાં ફસાવી દાંતા લઇ ગઈ અને ત્યાના ગેસ્ટ હાઉસમાં શારીરિક સંબંધ બાંધ્યા બાદ,સાગરીતોની મદદથી તેનું અપહરણ કરાવ્યું હતું. ફસાયેલા વૃદ્ધ પાસે રૂપિયા 5 લાખની માગણી પણ કરવામાં આવી હતી. પોલીસે આબાદ રીતે છટકું ગોઠવી વૃદ્ધને તો બચાવી લીધા હતા,પરંતુ સોનલ પંચાલ સહીત 6 જેટલા સાગરીતો રફૂચક્ક્રર થઇ ગયા હતા.