સંબંધો લજવાયા / સુરતની 'સૂરત' પર વધુ એક લાંછન, પ્રેમજાળમાં ફસાવીને મામાએ ભાણી પર આચર્યું દુષ્કર્મ 

• સુરતના નાના વરાછામાં મામાએ ભાણી સાથે દુષ્કર્મ આચર્યુ
• માનેલી બહેનની સગીર દીકરીને પ્રેમજાળમાં ફસાવી દુષ્કર્મ આચર્યુ
• આરોપીએ પોતાના હાથની નસ કાપી સગીરાને ધમકાવી
• કાપોદ્રા પોલીસે બુધા ગોહિલ નામના આરોપીની કરી ધરપકડ

સુરતના નાના વરાછાની ઘટના 

સુરત શહેરના નાના વરાછા વિસ્તારોમાં સંબંધોની મર્યાદાને શર્મશાર કરતો જઘન્ય અપરાધનો કિસ્સો બન્યો છે.જેમાં મામાએ સગીરવય ભાણી સાથે દુષ્કર્મ આચર્યું છે.અને પોતાનો પાપાચાર છૂપાવવા માટે સગીરાને આરોપીએ પોતાના હાથની નસ કાપીને સગીરાને ઘમકાવવાનો પ્રયાસ કર્યો હતો. 

માનેલી બહેનની સગીર દીકરી સાથે દુષ્કર્મ 

આ અંગે પોલીસ સુત્રોના જણાવ્યા અનુસાર સુરત શહેરના નાના વરાછા વિસ્તારમાં રહેતા બુધા ગોહિલ નામના શખ્સે પોતાની માનેલી બહેનની સગીર વયની ભાણીને પ્રેમજાળમાં ફસાવ્યાં બાદ તેને ઘરેથી ભગાડી ગયો હતો ત્યારબાદમાં તેની સાથે દુષ્કર્મ આચર્યું હતું. બાદમાં આરોપીએ સગીરાને પ્રેમનો ઈનકાર કરતાં આરોપીએ પોતાના હાથની નસ કાપીને ધમકાવી ધમકાવવાનો પ્રયાસ કર્યો હતો.   

પોતાના જ ગામના વ્યકિત સાથે સંબંધ ભારે પડયો

આ વાતની જાણ કાપોદ્રા પોલીસને મળતાં પોલીસ દોડતી થઈ ગઈ હતી. પોલીસે ઘટના સ્થળ પર તપાસ કરી હતી. તેમજ આરોપી બુધા ગોહિલની ધરપકડ કરી હતી. આમ પોતાના જ ગામના વ્યક્તિ સાથે સંબંધ ભારે પડ્યો