ધ્યાન રાખજો / OMG! ફ્રેન્ડની પાર્ટીમાં જોરદાર ગીત ગાઈ રહ્યો હતો શખ્સ, હોસ્પિટલ લઈ ગયા તો ખબર પડી કે ફાટી ગયા ફેફસાં!

• ચીનમાં એક શખ્સે મિત્રની જન્મ દિવસની પાર્ટીમાં ગાયુ ગીત
• ઊંચા સ્વરમાં ગીત ગાવાને કારણે શખ્સના ફાટી ગયા ફેફસા
• આ શખ્સે કરાવ્યો એક્સ-રે, એક્સ-રેમાં આવ્યું બહાર

ગીત ગાવાથી ફાટી ગયા ફેફસા !

અત્યારે આવા જ એક સમાચાર લોકોની રસપ્રદતાનું કારણ બની ગયા છે. જેને સાંભળ્યાં બાદ તમને આશ્ચર્ય થશે. ચીનમાં એક એવી ઘટના સામે આવી છે, જ્યાં એક શખ્સ પોતાના મિત્રની જન્મ દિવસ પાર્ટીમાં ગીત ગાઈ રહ્યો હતો અને ગીત ગાવાના કારણે તેના ફેફસા ફાટી ગયા. ચીનની મીડિયા રિપોર્ટસ મુજબ, વાંગે જે નામનો વ્યક્તિ પોતાના મિત્રની જન્મ દિવસની પાર્ટીમાં કરાઓકે પર ગીત ગાતો હતો. New Drunken Concubine નામનુ ગીત ગાઈને તેણે જેવુ ઊંચા સ્વરમાં ગીત ગાયુ તેને પોતાના હાર્ટમાં દુ:ખાવાનો અહેસાસ થયો. કારણકે તો પોતાના શરીરની બધી તાકાતનો ઉપયોગ કરીને ગીત ગાઈ રહ્યો હતો અને આ પ્રેશર તેના ફેફસા સહન કરી શક્યા નહીં. જોકે, તે વખતે વાંગેએ ગમે તે રીતે પોતાનો દુ:ખાવો સહન કર્યો. પરંતુ સવારે ઉઠતી વખતે તેને શ્વાસ લેવામાં તકલીફ પડતી હતી. આવી સ્થિતિમાં વાંગેને હોસ્પિટલમાં લઇ જવામાં આવ્યો. 

એક્સ-રેમાં આવ્યું બહાર

ડૉકટરોએ તેના ફેફસાનો એક્સ-રે કરાવ્યો. જેમાં તેની છાતીની ત્વચા અને ફેફસાની વચ્ચે અમુક બબલ્સ જોવા મળ્યા હતા. ડૉકટરોએ આ જોઈને જણાવ્યું કે વધુ દબાણ પડવાને કારણે તેનું જમણુ ફેફસુ ફાટી ગયુ. જોકે, હાલમાં વાંગે જે ની સારવાર ચાલી રહી છે. તબીબોએ આ અજબ કેસ અંગે જણાવ્યું કે અત્યારે થોડી સમસ્યા ગંભીર છે. પરંતુ થોડા દિવસમાં રિકવર થઇ જશે. પરંતુ જે લોકો પણ આ અહેવાલને સાંભળી રહ્યાં છે તેઓ ખૂબ હેરાન છે. તેથી અત્યારે આ અહેવાલ લોકોની વચ્ચે ચર્ચાનો વિષય બન્યાં છે.