પર્દાફાશ / શરમથી નીચું જોવું પડે તેવી ઘટના ! રાજસ્થાનની મહિલાને ગુજરાતમાં વેચવાનું ઝડપાયું કૌભાંડ, 3 શખ્સોની ધરપકડ

• ગુજરાતમાં રાજસ્થાનની મહિલાઓને વેચવાનું કૌભાંડ
• રાજસ્થાન પોલીસે ઝડપ્યુ રેકેટ 
• 3 આરોપીની કરવામાં આવી ધરપકડ 

ગુજરાતમાં ગુનાખોરીનું પ્રમાણ વધી રહ્યું છે. ઓનલાઇન ડ્રગ્સનું વેચાણ, દારૂબંધી હોવા છતાં દારૂનું વેચાણ. અને હવે મહિલાઓને વેચવાનું રેકેટ ઝડપાયું છે. રાજસ્થાનની આદિવાસી વિસ્તારની મહિલાઓને ગુજરાતમાં વેચવાનુ રેકેટનો પર્દાફાશ થયો છે.

ઉત્તર ગુજરાતની ટોળકી ઝડપાઇ 

જી, હા રાજસ્થાનના પિંડવાડા પોલીસે આ રેકેટને ઝડપી પાડ્યુ છે. જેમાં રાજસ્થાનની મહિલાઓને ગુજરાતમાં દલાલ મારફતે લાવવામાં આવતી હતી. પિંડવાડા પોલીસે ઉત્તર ગુજરાતની ટોળકીને ઝડપી પાડીને વધારે પૂછપરછ શરૂ કરી છે. મલેકપુર, સિદ્ધપુર અને માણસાના બિલોદ્રાથી 3 આરોપીઓ ઝડપાયા છે. હાલમાં ત્રણેયની રાજસ્થાન પોલીસે ધરપકડ કરીને વધુ તપાસ હાથ ધરી છે. 

રાજસ્થાન પોલીસે 3 આરોપીની કરી ધરપકડ

મહત્વનું છે કે 2 સગીરાને નોકરી આપવાની લાલચે દુષ્કર્મ કરવામાં આવ્યું હતુ તે કેસ અંગે પોલીસ તપાસ ચાલી રહી હતી. જે દરમિયાન મહિલાને વેચવાનુ કૌભાંડ સામે આવ્યુ હતું.  રાજસ્થાન પોલીસે  ખેરાલુના મલેકપુરની રમીલા ઉર્ફે રમી ઠાકોર,  માણસાના બિલોદરાનો વિનુજી ઉર્ફે વનરાજ ઠાકોર તથા સિદ્ધપુરના ચાટાવાડાનો દલપત ઉર્ફે ગણપતિયા રાવળની ધરપકડ કરી છે. આ કૌભાંડમાં કોણ સામેલ છે તેમજ મુખ્ય સૂત્રધાર કોણ છે. અત્યાર સુધીમાં કેટલી મહિલાઓને ગુજરાત વેચાણ માટે મોકલવામાં આવી, શું હતી મોડસ ઓપરેન્ડી તે તમામ વિગતો અંગે પોલીસે તપાસનો ધમધમાટ શરૂ કર્યો છે.