જામનગર ડેન્ટલ કોલેજમાં ગઈકાલે મોડી રાત્રે પોલીસ અને વિદ્યાર્થીઓ વચ્ચે ઘર્ષણ સર્જાયું હતું. જામનગરની ગર્વેમેન્ટ ડેન્ટલ કોલેજમાં પોલીસે વિદ્યાર્થીઓ સાથે મારામારી કરી હોવાનો આક્ષેપ કરવામાં આવ્યો છે.
પોલીસ અને વિદ્યાર્થીઓ વચ્ચે ઘર્ષણ
જામનગર ડેન્ટલ કોલેજની ઘટના
પોલીસે વિદ્યાર્થીને માર માર્યો હોવાનો આક્ષેપ
જામનગરની ગર્વમેન્ટ ડેન્ટલ કોલેજ કેમ્પસમાં ગતરાત્રિએ વિદ્યાર્થીઓ બર્થડે સેલિબ્રેટ કરી રહ્યા હતા. ત્યારે ખાનગી ડ્રેસમાં આવેલા બેથી ત્રણ પોલીસકર્મીઓએ આપત્તિજનક શબ્દો બોલીને વિદ્યાર્થીઓને માર માર્યોનો આક્ષેપ થઈ રહ્યો છે. તો કેમ્પસ ખાતે આવેલા ખાનગી ડ્રેસમાં આવેલા પોલીસકર્મીઓ ચારેક વિદ્યાર્થીઓને પોલીસ સ્ટેશન લઈ જતા મામલો વધુ બીચક્યો હતો.
કોલેજમાં પોલીસ-વિદ્યાર્થીઓ વચ્ચે રાત્રે ઘર્ષણ
મોડી રાત્રે મોટી સંખ્યામાં કોલેજના વિદ્યાર્થીઓ સિટી-બી ડિવિઝન પોલીસ સ્ટેશન ખાતે પહોંચતા માહોલ તંગદિલીભર્યો બન્યો હતો. પોલીસ સ્ટેશન ખાતે પણ વિદ્યાર્થીઓ અને પોલીસ વચ્ચે ઉગ્ર બોલાચાલી અને ઘર્ષણ થયું હતું. ત્યારે હવે વિદ્યાર્થીઓ જવાબદાર પોલીસકર્મીઓ સામે કડક કાર્યવાહી કરવાની માંગ કરી રહ્યા છે.
પોલીસે વિદ્યાર્થીને માર માર્યો હોવાનો આક્ષેપ
આક્ષેપ કરતા વિદ્યાર્થી આગેવાનોએ કહ્યું કે, ગતરાત્રિએ વિદ્યાર્થીઓ બર્થડેની ઉજવણી કરી રહ્યા હતા, ત્યારે કેમ્પસ ખાતે આવેલા પોલીસકર્મીઓએ વિદ્યાર્થીઓ સાથે મારામારી અને ગાળાગાળી કરી હતી. રાત્રિના સમયે આ પોલીસ કર્મચારીઓ નશો કરીને આવ્યા હતા. આ જવાબદાર પોલીસકર્મીઓ વિરુદ્ધ તાત્કાલિક કડક પગલા ભરવામાં આવે.