Solid અને લિકવિડ બંન્ને મટીરીયલ કબ્જે કરવામાં આવ્યું
મટીરીયલ મુંબઈ પણ સપ્લાય થતું હોવાનું સામે આવ્યું
આરોપીઓ છેલ્લા 1 વર્ષ થી કરી રહ્યા હતા કારોબાર
વિધાનસભાની ચૂંટણી દરમિયાન ડ્રગ્સ મામલે ATS ને મોટી સફળતા મળી હતી. ATSની કાર્યવાહીમાં વડોદરા નજીક સિંધરોટ ગામ નજીક ધમધમતી ડ્રગ્સ બનાવતી ફેક્ટરી ઝડપાઇ હતી. જેને લઇને તપાસ કરતા અધિકારીઑ પણ ચોંકી ઉઠયા હતા. મોટો પોલીસ કાફલો અને સુરક્ષા એજન્સીઓ ઘટનાસ્થળે દોડી ગઇ હતી અને ફેક્ટરીમાં વધુ સર્ચ ઓપરેશન હાથ ધર્યું છે. આ તરફ હવે ATSએ વડોદરામાંથી ઝડપેલા ડ્રગ્સ મામલે મોટો ખુલાસો થયો છે. કાર્યવાહી દરમ્યાન 500 કરોડ થી વધુ નો ડ્રગ્સ કબ્જે કરાયુ તો 5 આરોપીઓની ધરપકડ કરવામાં આવી છે. તપાસ દરમ્યાન મટીરીયલ મુંબઈ પણ સપ્લાય થતું હોવાનું સામે આવ્યું છે. તો આ આરોપીઓ છેલ્લા 1 વર્ષથી કારોબાર કરી રહ્યા હોવાનું ખૂલ્યું છે.
વડોદરા ગ્રામ્યના સિંધરોટ ગામમાં ડ્રગ્સ બનાવવામાં આવી રહ્યું હોવાની બાતમી ગુજરાત ATSને મળતા તેઓએ સર્ચ ઓપરેશન હાથ ધર્યું હતું. આ સર્ચ દરમ્યાન MD ડ્રગ્સની ફેકટરી ઝડપાતા હડકંપ મચી ગયો છે. ગુજરાત ATS એ 63 કિલો 613 ગ્રામ MD ડ્રગ્સ તથા 80 કિલો 260 ગ્રામ MD ડ્રગ્સ બનાવવા માટે તૈયાર કરેલ લિકવિડ સહિત 478 કરોડનો મુદામલ જપ્ત કરીને 5 આરોપી સૌમિલ ઉર્ફે સેમ પાઠક, શૈલેષ. કટારીયા, વિનોદ ઉર્ફે પપ્પુ નિજામા, મોહંમદ સફી અને ભરત ચાવડાની ધરપકડ કરી છે.
MD ડ્રગ્સ કેસમાં મોટો ખુલાસો
ગુજરાત ATSએ વડોદરામાંથી MD ડ્રગ્સ બનાવતી ફેકટરી ઝડપીને 5 આરોપીની ધરપકડ કરી છે. જેમાં 478 કરોડનો MD ડ્રગ્સનો જથ્થો જપ્ત કર્યો છે. ડ્રગ્સની ફેકટરીની તપાસમાં મોટો ખુલાસો થયો કે, સૌમિલ પાઠક અને મુંબઈના સલીમ ડોલા સાથે જેલમાં ડ્રગ્સની ફેકટરી શરૂ કરવાનું પ્લાનિંગ કર્યું હતુ. આ MD ડ્રગ્સના ઉત્પાદન અને વેચાણના ધંધામાં બન્ને ભાગીદાર બન્યા હતા.
સૌમિલે સિંધરોટ ગામમાં MD ડ્રગ્સની ફેકટરી શરૂ કરી અને ડ્રગ્સ બનાવવા માટે રો મટીરીયલ માટે કેમિકલ ચોરી કરનાર ભરત ચાવડાનો સંપર્ક કર્યો હતો. જેમાં ભરત ડ્રગ્સ બનાવવા કેમિકલ આપતો હતો અને આરોપી વિનોદ ઉર્ફે પપ્પુએ ડ્રગ્સ ઉત્પાદન પ્રક્રિયા ના જાણકાર કેમિસ્ટ શૈલેષ કટારીયાનો સંપર્ક કરાયો હતો. શૈલેષ બીએસસી કેમેસ્ટ્રી ભણેલ હોઇ આ આરોપીઓએ ડ્રગ્સ બનાવવાનું યુનિટ શરૂ કર્યું. જેમાં શૈલેષ MD ડ્રગ્સ બનાવવાનું કામકાજ સંભાળે છે. જ્યારે વિનોદ ઉર્ફે પ્પુ ફેક્ટરીની દેખરેખ રાખે છે છેલ્લા સવા મહિનાથી આ ફેકટરી ધમધમી રહી હોવાનો ખુલાસો ATS ની તપાસમાં ખુલ્યું છે.
આરોપીઓનો ગુનાહિત ઇતિહાસ
આ આરોપીઓનો ગુનાહિત ઇતિહાસ છે. સૌમિલ 2017માં ડ્રગ્સ કેસમાં પકડાયો હતો જ્યારે નડિયાદનો મોહમદ સફી 2004થી ગુનાખોરીમાં પ્રવેશ કર્યો ડ્રગ્સની હેરાફેરીમાં ઝડપાયો છે. જ્યારે ભરત ચાવડા કેમિકલ ચોરીમાં 2 વખત પકડાયો હતો. આ ડ્રગ્સ નેટવર્કમાં મુંબઇનો ડ્રગ્સ માફિયા સલીમ ડોલા હજુ ફરાર હોવાથી ATSએ શોધખોળ શરૂ કરી છે. આ સાથે કડાયેલ આરોપી MD ડ્રગ્સ કોને કોને અને ક્યાં ક્યાં વેચાણ કર્યું અને તેના નાણાં નો શુ ઉપયોગ કર્યો તેમજ આ ડ્રગ્સ નેટવર્કમાં અન્ય કોઈની સંડોવણી છે કે નહીં તે મુદ્દે તપાસ શરૂ કરી છે.
અગાઉ વડોદરાના સાવલીમાંથી ઝડપાઇ હતી ડ્રગ્સની ફેક્ટરી
મહત્વનું છે કે, આ આગાઉ 16 ઓગસ્ટના રોજ વડોદરાના સાવલી તાલુકાના મોક્સી ગામમાં નેક્ટર કેમ નામની કેમિકલ ફેક્ટરીની આડમાં ચાલતી ડ્રગ્સની ફેક્ટરી પર ગુજરાત ATSએ રેડ પાડી હતી. આ રેડમાં રૂ. 1125 કરોડની કિંમતનું 225 કિલો MD ડ્રગ્સ ઝડપાયું હતું.