સુવિધા / અમદાવાદમાં ભારત ન્યુઝીલેન્ડ વચ્ચેની મેચ લઈ મેટ્રોના સમયમાં મોટો ફેરફાર, મોડી રાત આટલા વાગ્યા સુધી કરી શકશો સફર

• કાલે અમદાવાદ-ન્યૂઝીલેન્ડ વચ્ચે અંતિમ મેચ
• આવતીકાલે રાતે 12 વાગ્યા સુધી મેટ્રો ટ્રેન ચાલુ રહેશે
• 30 જીન્યુઆરી બાદ મેટ્રોમાં સમયમાં પણ ફેરફાર કરાયો

અમદાવાદમાં કાલે રાત્રે ભારત-ન્યૂઝીલેન્ડ વચ્ચે છેલ્લી ત્રીજી મેચ રમાવાની છે. જેની તમામ તૈયારીઓ પૂર્ણ કરી દેવામાં આવી છે. તેમજ 30 જાન્યુઆરી બાદ મેટ્રોનો સમય પણ સવારે 7 થી 10 કરવામાં આવ્યો છે. આવતીકાલે ક્રિકેટ મેચને લઈ મેટ્રો ટ્રેન રાત્રે 12 વાગ્યા સુધી ચાલુ રાખવાનું નક્કી કરવામાં આવ્યું છે.

કાલની મેચ જીતવા માટે બંને ટીમો એડીચોટીનુ જોર લગાવશે
અમદાવાદ-ન્યૂઝીલેન્ડ ખાતે T-20 સીરીઝની 3 મેચોની શ્રેણીમાંની છેલ્લી મેચ કાલે અમદાવાદ ખાતે નરેન્દ્ર મોદી સ્ટેડિયમમાં રમાનાર છે. ત્યારે બીજી T-20 સીરીઝમાં ભારતે ન્યૂઝીલેન્ડને હરાવીને શ્રેણી 1-1 થી સરભર કરી હતી. કાલની મેચ જીતવા માટે બંને ટીમો એડીચોટીનુ જોર લગાવશે.

આવતીકાલની  મેચ રોમાંચક બનશે
ભારત-ન્યૂઝીલેન્ડ વચ્ચે રમાનાર મેચના લઈને પોલીસ દ્વારા ચુસ્ત બંદોબસ્ત ગોઠવી દેવામાં આવ્યો છે. ત્યારે સ્ટેડિયમ બહાર ભારતની ધ્વજ અને ટી શર્ટનું પણ વેચાણ થઈ રહ્યું છે. ત્યારે આવતીકાલને મેચ ખૂબ જ રોમાંચક બનશે. કારણ કે શ્રેણી જીતવા બંને ટીમ વચ્ચે કાંટે કી ટક્કર થશે.

મેટ્રોને ખૂબ સારો પ્રતિસાદ મળ્યો છે
અમદાવાદમાં મેટ્રોના ઈસ્ટ-વેસ્ટ કોરિડોર અને નોર્થ-સાઉથ કોરિડોરનો પ્રારંભ થયાને સાડા ત્રણ મહિના થઇ ચૂક્યા છે. ત્યારે આ સમયગાળા દરમિયાન મેટ્રોને ખૂબ સારો પ્રતિસાદ મળ્યો છે. અને અનેક લોકોએ આ મેટ્રોની મુસાફરી મજા માણી છે. સરકાર દ્વારા મેટ્રોની સુવિધા મળતા અનેક લોકો તેનો ભરપુર ઉપયોગ કરતા જોવા મળી રહ્યા છે. ત્યારે હવે મેટ્રોના સમયમાં ફેરફાર કરવામાં આવ્યો છે. હવે શહેરમાં સવારના 7 વાગ્યાથી રાત્રિના 10 વાગ્યા સુધી મેટ્રો દોડશે. આ નવો સમય 30 જાન્યુઆરી બાદ અમલી બનશે. મહત્વનું છે કે, હાલ સવારે 9 વાગ્યે મેટ્રો શરૂ કરવામાં આવે છે. 
7 વાગ્યાથી શરૂ કરવામાં આવશે મેટ્રો
વહીવટી તંત્ર દ્વારા સવારે 7 વાગ્યાથી રાત્રિના 10 વાગ્યા સુધી મેટ્રો ટ્રેન દોડાવાનો નિર્ણય લેવામાં આવ્યો છે. નવા સમયે મેટ્રો દોડતી થતાં મુસાફરોની સંખ્યામાં પણ વધારો થશે. જેના કારણે  મેટ્રોને આવકમાં પણ ધરખમ વધારો થઈ શકે છે. નોંધનીય છે કે, ટ્રેન શરૂ થયાના 3 મહિનામાં કુલ 39.96 લાખ લોકોએ મેટ્રોની મુસાફરી કરી છે.