આત્મહત્યા / મુંબઈની હોટલમાં 30 વર્ષીય મોડલે ગળેફાંસો ખાઈને ટૂંકાવ્યું જીવન, સુસાઈડ નોટમાં લખ્યું- 'મારે માત્ર શાંતિ જોઈએ છે'

• મુંબઈની હોટલમાં મોડલે કર્યો આપઘાત
• સીલિંગ ફેન સાથે લટકતી હાલતમાં મળી આવ્યો મૃતદેહ
• વર્સોવા પોલીસે એડીઆર હેઠળ કેસ નોંધી હાથ ધરી તપાસ

મુંબઈના અંધેરી વિસ્તારમાં એક 30 વર્ષીય મોડલનો મૃતદેહ હોટલના રૂમમાં સીલિંગ ફેન સાથે લટકતી હાલતમાં મળી આવ્યો છે. વર્સોવા પોલીસે ઘટનાસ્થળેથી સુસાઈડ નોટ પણ કબજે કરી છે અને એડીઆર (એક્સીડેન્ટલ ડેથ રિપોર્ટ) હેઠળ કેસ નોંધીને વધુ તપાસ શરૂ કરી છે. પોલીસના જણાવ્યા અનુસાર, એવી શંકા છે કે મૃતક છેલ્લા કેટલાક મહિનાઓથી ફિલ્મ ઈન્ડસ્ટ્રીમાં કામ ન મળવાને કારણે કથિત રીતે ડિપ્રેશનમાં હતી. એક અધિકારીએ જણાવ્યું કે, તે લોખંડવાલાની યમુનાનગર સોસાયટીમાં રહેતી હતી.

Model's body found hanging in Mumbai hotel

Read @ANI Story | https://t.co/rLt5mh24Q5#Mumbai #Maharashtra #model pic.twitter.com/Nhn7VNKLJs

— ANI Digital (@ani_digital) September 29, 2022

રૂમમાંથી મળી આવી સુસાઈડ નોટ
વર્સોવા પોલીસને હોટલના રૂમમાંથી જે સુસાઈડ નોટ મળી છે, તેમાં મોડલે લખ્યું છે કે, 'મને માફ કરજો. મારા મૃત્યુ માટે કોઈ જવાબદાર નથી. હું ખુશ નથી, મારે માત્ર શાંતિ જોઈએ છે.' પોલીસે તેના મૃતદેહને પોસ્ટમોર્ટમ માટે મોકલી દીધો છે અને રિપોર્ટની રાહ જોવાઈ રહી છે. અધિકારીએ જણાવ્યું કે, મોડલે હોટલમાં એક રૂમ બુક કર્યો હતો. બુધવારની રાત્રે લગભગ 8 વાગ્યે તેણે ચેક ઈન કર્યું. પ્રાથમિક તપાસમાં જાણવા મળ્યું કે તેણે જમવાનું પણ મંગાવ્યું હતું અને હોટલના રૂમમાં જ ડિનર કર્યું હતું.

કર્મચારીઓએ પોલીસને જાણ કરતા દોડી આવી ટીમ
જોકે, સવારે જ્યારે હોટલના કર્મચારીઓએ બેલ વગાડી, તો તેણે દરવાજો ખોલ્યો ન હતો. કર્મચારીઓને કંઈક અજુગતું થયું હોવાની શંકા જતાં તેઓએ પોલીસને જાણ કરી હતી. જે બાદ પોલીસ હોટલ ખાતે દોડી આવી હતી અને પોલીસની હાજરીમાં હોટલ સ્ટાફે માસ્ટર કીનો ઉપયોગ કરીને દરવાજો ખોલ્યો, તો મોડલ પંખા સાથે લટકતી હાલતમાં મળી આવી. પોલીસે તેના મૃતદેહને પંખા પરથી ઉતારીને હોસ્પિટલમાં ખસેડ્યો હતો, જ્યાં ડોક્ટરોએ મોડલને મૃત જાહેર કરી. હાલ પોલીસે મૃતકના મૃતદેહને પોસ્ટ મોર્ટમ માટે ખસેડ્યો છે.