આણંદના બોરસદમાં આવેલી નેકસેક્સ સિનેમાની ઘોર બેદરકારી સામે આવી છે. સોમવારે રાત્રે સિનેમાની લિફ્ટમાં 5 બાળકો અને ત્રણ મહિલાઓ ફસાયા હતા. સિનેમાના સંચાલકોએ લિફ્ટમાં ફસાયેલા લોકોની મદદ કરવાના બદલે પોલીસની ધમકી આપી હતી.
બોરસદના નેકસેક્સ સિનેમાની બેદરકારી
લિફ્ટમાં ફસાયા 5 બાળકો અને 8 મહિલાઓ
સંચાલકોએ ન કરી મદદ, મહિલાઓને આપી પોલીસની ધમકી
લિફ્ટમાં ફસાયા બાદ મહિલાઓએ અનેક વખત સતત એલાર્મ વગાડ્યું હતું. જોકે આ દરમિયાન કોઈ પણ સંચાલક અથવા સિનેમાના કર્મચારીઓ ફરક્યા ન હતા. આખરે યૂટ્યુબનો સહારો લઈને ફસાયેલા લોકો જાતે જ લિફ્ટમાંથી બહાર નિકળ્યા હતા. લિફ્ટની બહાર નિકળતા સિનેમાના સંચાલકોએ મહિલાઓને પોલીસની ધમકી આપી હતી.
સિનેમાએ પોતાની બેદરકારી અંગે માફી પણ ન માંગી અને ઉપરથી મહિલાઓ હોવાથી તેમને ખખડાવી હતી. જો કે આ ઘટનામાં કોઈને તકલીફ ન થયું હોવાનું જાણવા મળ્યું હતું. આ સાથે જ અનેક સિનેમાઘર અને ત્યાં જનારા લોકોએ લિફ્ટનો ઉપયોગ કરતી સમયે સાવધાની રાખવાની જરૂર છે.