કેન્દ્રીય કર્મચારીઓ માટે નવુ વર્ષ ફરીથી ખુશી લાવી શકે છે. જાન્યુઆરી 2022માં એક વખત ફરીથી મોંઘવારી ભથ્થુ વધશે. ખરેખર, નવા વર્ષમાં એક વખત ફરીથી ડીએમાં વધારો થઇ શકે છે. જેનાથી કેન્દ્રીય કર્મચારીઓના પગારમાં ફરીથી વધારો થશે.
જાન્યુઆરી 2022માં એક વખત ફરીથી મોંઘવારી ભથ્થુ વધશે
કેન્દ્રીય કર્મચારીઓના પગારમાં ફરીથી વધારો થશે
મોંઘવારી ભથ્થામાં કેટલો વધારો થશે તે નક્કી કરાયું નથી
નવા વર્ષમાં કર્મચારીઓને મળશે ખુશખબર
જાન્યુઆરી 2022માં મોંઘવારી ભથ્થામાં કેટલો વધારો થશે તે હજી સુધી નક્કી કરવામાં આવ્યું નથી. AICPI ઈન્ડેક્સના આંકડા પ્રમાણે, 3 ટકા ડીએ વધવાની આશા સેવાઈ રહી છે. ડિસેમ્બર 2021ના અંત સુધીમાં કેન્દ્રના કેટલાંક વિભાગમાં પ્રમોશન થશે. આ ઉપરાંત Budget 2022 પહેલા ફિટમેન્ટ ફૈક્ટરને લઇને પણ ચર્ચા થઇ રહી છે. જેના પર નિર્ણય આવી શકે છે. જો આમ થયુ તો ન્યુનત્તમ પગારમાં પણ વધારો થશે. પરંતુ અત્યારે મોંઘવારી ભથ્થાને લઇને AICPI ઈન્ડેક્સનો આંકડો શું કહે છે, તે જાણીએ.
AICPI ના આંકડાથી નક્કી થશે DA
નિષ્ણાંતોના જણાવ્યાં મુજબ, જાન્યુઆરી 2022માં મોંઘવારી ભથ્થામાં 3 ટકાનો વધારો થઇ શકે છે. એટલેકે 3 ટકા વધારો થવાથી કુલ ડીએ 31 ટકાથી વધીને 34 ટકા થઇ શકે છે. AICPI આંકડા મુજબ, અત્યારે સપ્ટેમ્બર 2021 સુધીના આંકડા સામે આવ્યાં છે. જે પ્રમાણે મોંઘવારી ભથ્થુ 32.81 ટકા છે. જૂન 2021 સુધીના આંકડા પ્રમાણે જુલાઈ 2021 માટે મોંઘવારી ભથ્થુ 31 ટકા વધારવામાં આવ્યું છે. એટલેકે હવે આગળના આંકડા મુજબ મોંઘવારી ભથ્થાની ગણતરી થશે અને તેમાં સારો વધારો મળી શકે છે.
મોંઘવારી ભથ્થામાં વધુ 3 ટકાનો વધારો નિશ્ચિત
AICPI ઈન્ડેક્સના આંકડા પ્રમાણે, સપ્ટેમ્બર 2021 સુધી મોંઘવારી ભથ્થુ 33 ટકા થયુ છે. એટલેકે આ હિસાબ મુજબ તેમાં 2 ટકાનો વધારો થયો છે. જોકે, હજી સુધી ઓક્ટોબર, નવેમ્બર અને ડિસેમ્બરના આંકડા સામે આવ્યાં નથી. આશા સેવાઈ રહી છે કે તેમાં વધુ 1 ટકાનો વધારો થઇ શકે છે. જો ડિસેમ્બર 2021 સુધી CPI(IW)નો આંકડો 125 સુધી રહે છે તો મોંઘવારી ભથ્થામાં વધુ 3 ટકાનો વધારો નિશ્ચિત છે. એટલેકે કુલ ડીએ 3 ટકા વધી 34 ટકા થશે. જેની ચૂકવણી જાન્યુઆરી 2022થી થશે. એટલેકે કેન્દ્રીય કર્મચારીઓના પગારમાં વધારો થશે.