સૂચના અને પ્રસારણ મંત્રાલયના જણાવ્યા અનુસાર આ તમામ ચેનલો ખોટા સમાચાર અને માહિતી ફેલાવી રહી હતી
ફરીવાર YouTube ચેનલો પર કેન્દ્ર સરકારની તવાઈ
ફેક ન્યુઝ ફેલાવતી 6 YouTube ચેનલો પર પ્રતિબંધ
આ તમામ ચેનલો ખોટા સમાચાર અને માહિતી ફેલાવી રહી હતી: સરકાર
કેન્દ્ર સરકારે ફેક ન્યુઝ ફેલાવતી YouTube ચેનલોને લઈ ફરી એકવાર મોટી કાર્યવાહી કરી છે. વાત જાણે એમ છે કે, કેન્દ્ર સરકારે 6 યુટ્યુબ ચેનલો પર પ્રતિબંધ લગાવી દીધો છે. વિગતો મુજબ ફેક ન્યૂઝ બતાવવા પર આ ચેનલો સામે કાર્યવાહી કરવામાં આવી છે. સૂચના અને પ્રસારણ મંત્રાલયના જણાવ્યા અનુસાર આ તમામ ચેનલો ખોટા સમાચાર અને માહિતી ફેલાવી રહી હતી.
ફરીવાર YouTube ચેનલો પર કેન્દ્ર સરકારની તવાઈ
મહત્વનું છે કે, ગયા મહિને સરકારે આવી યુટ્યુબ ચેનલોને બંધ કરવાની વાત કરી હતી કે જેમાં ફેક ન્યૂઝ ફેલાવવામાં આવી રહ્યા છે. તે સમયે સરકારે યુટ્યુબને વિવિધ જન કલ્યાણ પહેલો વિશે ખોટા અને સનસનાટીભર્યા દાવા કરવા અને નકલી સમાચાર ફેલાવવા માટે ત્રણ ચેનલોને અવરોધિત કરવા કહ્યું હતું.
Information &Broadcasting ministry cracks down on fake news peddling YouTube Channels. Busted channels are part of the fake news economy. The channels use fake, clickbait & sensational thumbnails & images of television news anchors of TV Channels to mislead: PIB pic.twitter.com/EcE4RoBZ9e
તો વળી PIBના ફેક્ટ ચેક યુનિટે ત્રણ ચેનલોને ફેક ન્યૂઝ ફેલાવતી જાહેર કરી હતી. એક સત્તાવાર સૂત્રના જણાવ્યા અનુસાર તે સમયે સૂચના અને પ્રસારણ મંત્રાલયે યુટ્યુબને ત્રણ ચેનલો આજતક લાઈવ, ન્યૂઝ હેડલાઈન્સ અને સરકારી અપડેટ્સને દૂર કરવાનો નિર્દેશ આપ્યો હતો. સરકારે સ્પષ્ટતા કરી હતી કે, આ આજતક લાઈવ ઈન્ડિયા ટુડે ગ્રુપ સાથે સંકળાયેલું નથી.