World / વિશ્વની ટોચની પાંચ કંપનીઓ પર બાળ મજૂરી કરાવવાનો લાગ્યો આરોપ, મામલો પહોંચ્યો કોર્ટમાં

આ કંપનીઓ પોતાનો નફો આફ્રિકાના કોંગો દેશમાં બાળકો પાસેથી માનવીય મજૂરી કરીને મેળવે છે તેવી ફરિયાદો ઉઠી છે. 

કંપનીઓને છે કોબાલ્ટની ભારે માંગ 

સ્માર્ટફોન્સ, ઇલેક્ટ્રિક વાહનો વગેરેમાં વપરાતી લિથિયમ આયન બેટરી માટે જરૂરી કોબાલ્ટ આફ્રિકાની ખાણમાંથી મળી આવે છે. 'Fortune' ન્યુઝ એજન્સીના અહેવાલ પ્રમાણે અહીં બાળકોને ફક્ત 2 ડોલર પ્રતિ દિનના રોજ હેઠળ 12-12 કલાકની વેઠ કરાવવામાં આવે છે. 10 વર્ષ જેટલી નાની ઉંમરના બાળકો શાળાએ જવાને બદલે મજૂરી કરે છે કારણ કે કોંગો દેશ દારુણ ગરીબીમાં સબડે છે. 

આ બાળકોના મોત પણ થઇ ચુક્યા છે

આ પહેલા આ ખાણ ખનન વખતે થયેલા અકસ્માતમાં 6 બાળકોના મોત થયા હતા. એક 15 વર્ષીય કિશોરને એક ડોલરથી પણ ઓછા રોજ ઉપર મજૂરી માટે રાખવામાં આવ્યો હતો જે એક ઊંડી ટનલમાં પડી જતા છાતીથી નીચેના ભાગે હંમેશ માટે લકવાગ્રસ્ત બની ગયો છે. આ ખાણ સ્વિત્ઝલેન્ડની Glencore કંપનીને હસ્તક છે. 

હજુ માંગમાં તોતિંગ વધારો થશે

અહીં ઉલ્લેખનીય છે કે એક ઇલેક્ટ્રિક વાહનની બેટરીમાં 18 પાઉન્ડ કોબાલ્ટ વપરાય છે. આટલા કોબાલ્ટમાં 1000 સ્માર્ટફોન્સ જેટલું કોબાલ્ટ વપરાય છે. આ વધતી ઇલેક્ટ્રિક ગાડીના ચલણ સામે કોબાલ્ટની માંગ 1,20,000 મેટ્રિક ટન થવાની સંભાવના છે જે 2016 કરતા 30% વધુ છે. આ આંકડો 2030માં તોતિંગ 3,57,000 મેટ્રિક ટન સુધી પહોંચવાની સંભાવના છે. 

કંપનીઓએ આ પરિસ્થિતિ સુધારવા માટે પોતાની પ્રતિબદ્ધતા દાખવી છે.