અમદાવાદમાં રવિવારની સવાર માઠા સમાચાર લઈને આવી છે. લીંબડી -અમદાવાદ હાઇવે પર કાર અને ટ્રક વચ્ચે અકસ્માત સર્જાયો છે. અકસ્માતમાં 5 વ્યક્તિઓના ઘટના સ્થળે મોત થઈ ગયા છે જ્યારે પાંચ લોકો ગંભીર રીતે ઘાયલ થયા છે.
બે બાળકો સહિત 5 લોકો ઇજાગ્રસ્ત તમામને સારવાર અર્થે ખસેડાયા
સોમનાથથી દર્શને આવ્યા હતો દક્ષિણ ભારતનો એક પરિવાર
પોલીસે વધુ તપાસ હાથ ધરી
ગઈકાલ મોડી રાતે અમદાવાદ-લિંબડી હાઇવે પર દેવપરા ગામના પાટિયા નજીક કાર-ટ્રક વચ્ચે ગમખ્વાર અકસ્માત થયો. સોમનાથ દર્શને જઈ રહેલો અમદાવાદનો પરિવાર કાળનો કોળિયો બની ગયો. કાર ટ્રક સાથે ધડાકાભેર અથડાતા અકસ્માતમાં કારનો કચ્ચરઘાણ નીકળી ગયો હતો.કારમાં સવાર અમદાવાદના પરિવારના પાંચ સભ્યો તો ઘટના સ્થળે જ મૃત્યુ પામ્યા હતા. અકસ્માતમાં એક પરિવાર દક્ષિણ ભારતનો હોવાનું પણ જાણવા મળ્યુ હતુ.
ક્યા થયો અકસ્માત
સુરેન્દ્રનગરના દેવપરા ગામ નજીક કાર અને ટ્રક વચ્ચે થયેલા ગમખ્વાર અકસ્માતમાં અમદાવાદના પરિવારના 5 લોકોનાં મોત થયા છે જ્યારે ચાર વ્યક્તિને ગંભીર ઇજા પહોંચી છે. અમદાવાદનો પરિવાર સોમનાથ દાદાના દર્શને જઈ રહ્યો હતો ત્યારે કાળનો કોળિયો બની ગયો હતો.
ઈજાગ્રસ્તોને સારવાર માટે હોસ્પિટલ લઈ જવાયા
અકસ્માત બાદ ઇજાગ્રસ્તોને તાત્કાલિક લિંબડીની રા.રા હૉસ્પિટલમાં ખસેડવામાં આવ્યા હતા. અકસ્માત બાદ પોલીસ અને ટ્રાફિક વિભાગે ટ્રાફિક ક્લિયર કરાવ્યો હતો અને એમ્બ્યુલન્સની મદદથી ઇજાગ્રસ્તનો લિંબડી રેફરલ હૉસ્પિટલમાં દાખલ કરવામાં આવ્યા હતા.