જાંબુઘોડા ફોરેસ્ટ ઓફિસરે શિવરાજપુરના સ્ટાફને સાથે રાખીને બોગસ તાંત્રિક બની છટકું ગોઠવ્યું
વડોદરામાં કાચબા પર તાંત્રિક વિધિનો પર્દાફાશ
4 શખ્સોની ધરપકડ, 7 કાચબા જપ્ત
જાંબુઘોડા ફોરેસ્ટ-GSPCA સંસ્થાનું સંયુક્ત ઓપરેશન
રાજ્યમાં તાંત્રિક વિધીના નામે ગઠિયાઑ લોકોનો ભોરવી રહ્યા છે, કોઈ મહિલા સંતાન પ્રાપ્તિ માટે છેડતીનો શિકાર થઈ રહી છે તો કોઈ સુખ ભોગવવા તાંત્રિકના ખોળામાં રૂપિયાનો ઠગલો કરી રહ્યા છે. આમ છતાં અંધશ્રદ્ધાનો અંધાપો દૂર નથી થઈ રહ્યો. વડોદરામાં વધુ એક તાંત્રિક વિધી ઘટના સામે આવતા ચકચાર મચી છે. કાચબા પર તાંત્રિક વિધિ કરતા 4 શખ્સોને પોલીસે રંગેહાથ વિધી કરતાં ઝડપી પાડયા છે.
7 કાચબા પર 4 શખ્સો કરી રહ્યા હતા તાંત્રિક વિધી
ફોરેસ્ટ પોલીસના જણાવ્યા અનુસાર તેમણે વાઈલ્ડ લાઈફ તરફથી સૂચના આપવામાં આવી હતી કે કોઈ સંસ્થા દ્વારા તેમના વડોદરા નજીક અટલાદરા પાદરા નજીક સોસાયટીમાં કાચબાની હેરાફેરી થઈ રહી છે. અને હવે કાચબા પર તેઓ વિધી કરવા જઈ રહ્યા છે. સુચના મળતાની સાથે જ જાંબુઘોડા વનવિભાગ સાથે અટલાદરા પાદરા પોલીસને સાથે લઈ એક ટુકડી આરોપીઑને રંગેહાથ ઝડપવા કામે લાગી હતી. અક્ષરદીપ સોસાયટીમાં 29 નંબરના મકાનમાં કાચબા પર તાંત્રિક વિધિ થઈ રહી છે તેની ખાતરી કરી છટકું ગોઠયું હતું જેમાં જી.એસ.પી.સી.એ સંસ્થાના કાર્યકરે બોગસ તાંત્રિક બની વિધિ કરાવવા ગયો હતો. જે બાદ પોલીસે રેડ કરી હતી અને 4 આરોપીઑને 7 કાચબા સાથે તાંત્રિક વિધિ કરતાં ઝડપી પાડયા હતા. તાંત્રિક વિધિ કરાવનાર ચેતન પટેલ, કાચબો લાવનાર રણજીત પરમાર, પ્રદીપ પરમાર અને અમર રાવલ સમક્ષ પોલીસે ગુનો નોંધી તેમની ઘરપકડ કરી વધુ તપાસ હાથ ધરી છે.
રૂપિયાની લાલચે કાચબા પર કરી રહ્યા હતા તાંત્રિક વિધી
પોલીસે કરેલી પૂછપરછમાં આરોપીઑએ એ વિધિ કેમ કરી રહ્યા હતા તે અંગે ખુલાસો કર્યો હતો. આરોપીઑ રૂપિયાની લાલચે કાચબા પર તાંત્રિક મંત્ર સાથે વિધી કરી રહ્યા હતા. આરોપીને આશ હતી કે કાચબા પર તાંત્રિક વિધિ કરશે તો બેન્કમાં 15 લાખ આવી જશે. મુખ્ય આરોપી ચેતન પટેલ આ લાલચે અન્ય આરોપીને લાવ્યો હતો. જ્યાં 7 કાચબા પર મંત્રજાપ કરી તાંત્રિક વિધિ મહેનત વગર રૂપિયા રળવાની લાલચે આ કામ કરી રહ્યા હતા. હવે આરોપીઑ પર પોલીસ નિર્દોષ જાનવરને હેરાન કરવાના ગુના સહિત અન્ય કલમો લગાવી આરોપીઑને કડક સજા મળે તે તરફ તજવીજ હાથ ધરી છે.