કરૂણાંતિકા / 3 વર્ષની બાળકીને કોરોના સાથે થયા બીજા બે ગંભીર રોગ, સારવાર દરમિયાન કરુણ મોત

• વડોદરામાં 3 વર્ષની બાળકીનું કરૂણ મોત 
• બાળકીને કોરોના થતા સારવાર દરમિયાન તેનું મોત 
• મેલેરીયા અને એમેનિયાથી પણ બાળકી પીડાઈ રહી હતી

રાજ્યમાં કોરોનાનો કહેર સતત વધી રહ્યો છે. દિવસેને દિવસે કોરોના કેસ દરેક શહેરોમાં વધી રહ્યા છે જેના કારણે લોકોમાં પણ હવે ભયનો માહોલ ફેલાયો છે. ત્યારે વડોદરામાં વધું એક ચોકાવનારો કિસ્સો સામે આવ્યો છે. અહીયા 3 વર્ષની બાળકીને કોરોના ભરખી ગયો છે. જેથી તેના પરિવારના માથે આભ તૂટી પડ્યું છે. 

મેલેરીયા અને એમેનિયાથી પણ બાળકી પીડાઈ રહી હતી 

વડોદરાના સુભાનપુરામાં હરિરોમ નગરમાં રહેતી બાળકી છેલ્લા કેટલાક સમયથી મેલેરીયા અને એમેનિયાથી પીડાઈ રહી હતી. તેવામાં તેનો કોરોના રિપોર્ટ પણ પોઝિટીવ આવ્યો જેના કારણે તેની તબીયત વધારે લથડી પડી હતી. 

સારવાર દરમિયાન બાળકીનું મોત 

ગતરાત્રીના સમયે બાળકી વધારે બિમાર પડી હતી. જેથી તેના પરિવાજનો તેને તાત્કાલીક ગોત્રી હોસ્પિટલ લઈ ગયા જ્યા તેને સારવાર અર્થે દાખલ કરવામાં આવી હતી. જોકે બાળકીની સારવાર ચાલી રહી હતી તે સમયે તેનું મૃત્યું થયું. જેના કારણે બાળકીના માતાપિતા પર આભ તૂટી પડ્યું હતું. 

સુરતમાં પણ 1 વર્ષની બાળકીનું કોરોનાને કારણે મોત 

ઉલ્લેખનીય છે કે રાજ્યમાં દિવસેને દિવસે નાના બાળકોમાં કોરોનાના કેસ વધી રહ્યા છે. આજે સુરતમાં પણ કોરોનાને કારણે 1 વર્ષની બાળકીનું મોત થયું. બાળકીના માતા પિતા સંક્રમિત થયા હતા જેના કારણે બાળકી પણ સંક્રમિત થઈ અને કોરોના તેને ભરખી ગયો. ત્યારે વધુમાં ફરી વડોદરામાં પણ આજે 3 વર્ષની બાળકીનું કોરોનાને કારણે મોત નિપજ્યું છે.