સુરતમાં રિંગરોડ ખાતે શિવશક્તિ માર્કેટના વેપારી પાસે મંગાઇ ત્રણ કરોડની ખંડણી, ખંડણીની ચીઠ્ઠી સાથે વેપારીને પાર્સલમાં મળી પિસ્તોલ, 17 વર્ષનો કિશોર વેપારીને પાર્સલ આપવા પહોંચ્યો
સુરતમાં વેપારી પાસે મંગાઇ ત્રણ કરોડની ખંડણી
ખંડણીની ચિઠ્ઠી સાથે વેપારીને પાર્સલમાં મળી પિસ્તોલ
સમગ્ર ઘટના ક્રમમાં પોલીસે ત્રણ લોકોની કરી ધરપકડ
સુરત રીંગરોડની શિવશક્તિ ટેકસટાઇલ માર્કેટમાં કાલે સાંજે વેપારીને એક પાસર્લ મળ્યું છે. આ પાર્સલમાં એક પિસ્તોલ અને ચાર કારતુસ મળ્યા. આ સાથે 3 કરોડ રૂપિયાની ખંડણી માંગી જાનથી મારી નાંખવાની ધમકી પણ આપવામાં આવી છે. આ પાર્સલ મળતા ગભરાયેલો વેપારી પાર્સલ લઈને પોલીસ સ્ટેશન પહોંચ્યો હતો. ખંડણીખોરોએ ધમકી ભરી ચિઠ્ઠી સાથે પિસ્તોલનુ પાર્સલ મોકલ્યુ તેવું જણાઇ રહ્યું છે. 17 વર્ષનો કિશોર વેપારીને પાર્સલ આપીને ગયો હતો. આ પાર્સલ મળ્યા બાદ વેંપારીને સાંજે ધમકીભર્યો ફોન આવ્યો હતો. સમગ્ર ઘટનાક્રમમાં પોલીસે 3 લોકોની ધરપકડ કરી છે. આ ધરપકડ થયેલા આરોપીમાં એક આરોપી સગીર છે.
ધમકી સાથે ચીઠ્ઠીમાં ખંડણીખોરે જાનથી મારવાની આપી ધમકી
17 વર્ષનો જે યુવક પાર્સલ આપીને ગયો તેમાં એક ચીઠ્ઠી પણ હતી. ધમકીભરેલી આ ચીઠ્ઠીમાં લખ્યું હતું કે, તીન કરોડ રૂપિયા દે દો, નહીં તો ખતમ કર દેંગે. પુલિસ કો બતાને કી કોશિશ મત કરના વરના દેખ લેના, સાથે એક પિસ્તોલ પણ વેપારીને ડરાવવા માટે રાખી હતી. એક પિસ્તોલ સાથે અજાણ્યા યુવકે આપેલા પાર્સલને જોઈ વેપારીએ તરત પોલીસનો સંપર્ક કર્યો હતો. આ વેપારી વર્ષોથી કાપડના વ્યવસાય સાથે જોડાયેલા છે. તેમના અન્ય ત્રણ ભાઈઓ પણ આ વ્યવસાઈમાં જોડાયેલા છે.
વેપારીની દુકાનના જ કર્મચારીએ શેઠ વિરુદ્ધ ઘડ્યું હતું કાવતરું
સુરત પોલીસ કમિશનરે સમગ્ર મામલે પત્રકાર પરિષદ યોજી હતી. જેમાં ગણતરીની કલાકોમાં પોલીસે 2 આરોપીની ધરપકડ કરી લીધી હોવાની વાત કરી હતી. સાથે ચોંકાવનારો ખુલાસો પણ કર્યો હતો. બે આરોપી પૈકી મુખ્ય આરોપી વેપારીની જ દુકાનનો કર્મચારી નીકળ્યો હતો. પોલીસે તેને ધમકી આપવાનું કારણ પૂછ્યું તો, પૈસા કમાવવાની સાથે આરોપી કર્મચારીએ કહ્યું કે, હું છેલ્લા ઘણા સમયથી મારા શેઠને પગાર વધારવાનું કહી રહ્યો હતો. પણ મારી માગણી સ્વિકારાઈ નથી. જેના કારણે કાવતરું ઘડ્યું હતું. આરોપીમાં 21 વર્ષનો સાગર ભગવાન અને બીજા આરોપીનું નામ કીરણ પિતામ્બર મહાજન છે. સાગરે પોતાની સાથે કીરણને પણ આ કાવતરામાં સાથે રાખ્યો હતો. અને અડધી રકમ આપવાની વાત કરી હતી.