છેલ્લા 15 વર્ષમાં અનેક વખત ફેસબુક યુઝર્સનો ડેટા લીક થયો છે અને ફેસબુકના CEO માર્ક ઝુકરબર્ગે માફી પણ માગવી પડી છે. હવે ફેસબુકના 26 કરોડ યુઝર્સનો ડેટા લીક થઈ ગયો છે. તમે Amibreached.com પર ઇમેઇલ આઈડી દાખલ કરીને ચકાસી શકો છો કે તમારો ડેટા લીક થયો છે કે નહીં.
ફેસબુક ફરી વિવાદમાં: 26 કરોડ યુઝર્સનો ડેટા ડાર્ક વેબ પર લીકઆર્થિક મંદી વચ્ચે ફેસબુકે રિલાયન્સની માલિકીની ટેલિકોમ કંપની Jioના 10 ટકા શેર 44 હજાર કરોડમાં ખરીદ્યા તેની દુનિયાભરમાં ચર્ચા છે. જો કે આ જ સમયે ફેસબુક ફરી એકવાર ડેટા લીકને લઇને પણ ચર્ચામાં આવ્યું છે. છેલ્લા 15 વર્ષમાં અનેક વખત ફેસબુક યુઝર્સનો ડેટા લીક થયો છે અને ફેસબુકના CEO માર્ક ઝુકરબર્ગે માફી પણ માગવી પડી છે. હવે ફેસબુકના 26 કરોડ યુઝર્સનો ડેટા લીક થઈ ગયો છે. તમે Amibreached.com પર ઇમેઇલ આઈડી દાખલ કરીને ચકાસી શકો છો કે તમારો ડેટા લીક થયો છે કે નહીં.
ફેસબુક યુઝર્સનો ડેટા ડાર્ક વેબ પર સાવ મામુલી રકમ એટલે કે માત્ર 41,600 રૂપિયામાં વેચાઇ રહ્યો છે. લીક થયેલા ડેટામાં યુઝરનું નામ, ફેસબુક આઈડી નંબર, ઉંમર, લાસ્ટકનેક્શન અને મોબાઈલ નંબર જેવી વિગતો સામેલ છે. જો કે લીક થયેલા ડેટામાં પાસવર્ડ છે કે કેમ તેની જાણકારી બહાર આવી નથી. આ ડેટાનો ઉપયોગ ફિશિંગ એટેક અને સ્પામ ઇ-મેઇલ માટે થઈ શકે છે.
ફેસબુકના ડેટા લીકનો આ અહેવાલ comparitech વેબસાઇટ પર મુકવામાં આવ્યો છે. રિપોર્ટમાં કહેવામાં આવ્યું છે કે 26.7 કરોડ ફેસબુક યુઝર્સ ડેટા Elastisearch સર્વર પર મુકાયા છે. આ સિવાય હેકર્સ ફોરમમાં પણ ડેટા પણ અપલોડ કરવામાં આવ્યો છે. એવું કહેવામાં આવી રહ્યું છે કે ફેસબુક યુઝર્સનો આ ડેટા થર્ડ પાર્ટી એપ્સ અને કૂકીઝ દ્વારા લીક કરવામાં આવ્યો છે.
દરમિયાન Cybleના સંશોધનકારોએ પણ ચકાસણી માટે ડેટા ખરીદ્યા છે. તમે Amibreached.com પર ઇમેઇલ આઈડી દાખલ કરીને ચકાસી શકો છો કે તમારો ડેટા લીક થયો છે કે નહીં. જો કે ડેટા લીક અંગે ફેસબુક તરફથી હજી સુધી કોઈ સત્તાવાર નિવેદન નથી આવ્યું. આ પહેલા વીડિયો કોન્ફરન્સિંગ એપ ઝૂમના 50 લાખ યુઝર્સનો ડેટા લીક થયો હતો અને ડાર્ક વેબ પર પણ છે તે સાવ પાણીના ભાવે વેચાયો હતો.આ ડેટા લીક થયા પછી ભારત સરકારે ઝૂમ એપ ના ઉપયોગ અંગે ચેતવણી જારી કરી હતી.