રાજકોટમાં RTOમાં બોગસ લાઇસન્સ કૌભાંડ મામલે રાજકોટ SOGએ બે એજન્ટની ધરપકડ કરી છે. SOGએ જય વ્યાસ અને અજય પરમાર નામના એજન્ટોની ધરપકડ કરી છે.
ઉલ્લેખનીય છે કે, અગાઉ SOGએ લાઇસન્સ કાઢી આપવાના ગુનામાં અગાઉ 5 એજન્ટને ઝડપી પાડ્યા હતા. ત્યારે બોગસ લાઇસન્સ કૌભાંડમાં હજુ પણ વધુ એજન્ટોની ધરપકડ થઇ શકે છે.
પહેલા 3 એજન્ટોની કરાઇ હતી ધરપકડ
રાજકોટમાં RTOના બોગસ લાઇસન્સ કૌભાંડ મામલે SOG દ્વારા તપાસ કરવામાં આવી રહી છે. કૌભાંડ મામલે SOG પોલીસે વધુ 3 એજન્ટોની ધરપકડ કરી છે. પોલીસે એજન્ટો પાસેથી નકલી સ્કૂલ લિવિંગ સર્ટિફિકેટ, સિક્કા સહિતનો મુદ્દામાલ કબ્જે કર્યો છે.
મહત્વનું છે કે, આરટીઓ પાસે ઝેરોક્ષની દુકાન માલિક બોગસ દસ્તાવેજોના આધારે લાયસન્સ કઢાવી આપતો હતો. જેની બાતમી મળતા પોલીસે આરટીઓ પાસે આવેલા માધવ ઝેરોક્ષ નામની દુકાનમાં દરોડા પાડ્યા હતા.