સંસદ / આમને કેવા ગણવા ! 'માને કૂખે જન્મીને લાત મારનારા' 2.25 લાખ લોકો, વિદેશમાં મન મોહ્યું, સરકારે આપ્યું અપડેટ

• રાજ્યસભામાં વિદેશમંત્રીએ આપ્યો જવાબ
• ભારતીય નાગરિકતા છોડનારાઓની આપી સંખ્યા
• કહ્યું,12 વર્ષોમાં 16 લાખથી વધારે લોકોએ છોડી નાગરિકતા

બજેટ સત્ર દરમિયાન રાજ્યસભામાં કેન્દ્ર સરકારે મોટી જાણકારી આપી હતી. વિદેશમંત્રી એસ.જયશંકરે માહિતી આપતાં જણાવ્યું હતું કે છેલ્લાં 12 વર્ષોમાં 16 લાખથી વધારે લોકો ભારતીય નાગરિકતા છોડીને કોઈ અન્ય દેશની નાગરિકતા લઈ ચૂક્યાં છે. તેમણે દરેક વર્ષનાં ચોક્કસ આંકડાઓ પણ જણાવ્યાં હતાં. 

જયશંકરે જણાવ્યું કે વર્ષ 2011થી અત્યારસુધીમાં 16 લાખથી વધારે ભારતીયો પોતાની નાગરિકતા છોડી ચૂક્યાં છે. તેમાંથી 2 લાખથી વધારે 2,25,620 લોકોએ ગયાંવર્ષે જ નાગરિકતા છોડી હતી.

દરેક વર્ષનાં આપ્યાં આંકડાઓ

• 2015- 1,31,489
• 2016- 1,41,603
• 2017-1,33,049
• 2018- 1,34,561
• 2019- 1,44,017
• 2020- 85,256
• 2021- 1,63,370
• 2022- 2,25,620

લોકોએ ભારતની નાગરિકતા છોડી અને અન્ય દેશની નાગરિકતા અપનાવી છે. 

મનમોહન સરકાર સમયનાં આંકડાઓ
એસ જયશંકરે મનમોહન સરકાર દરમિયાનનાં આંકડાઓ પણ જણાવ્યાં. તેમણે કહ્યું કે 2011માં નાગરિકતા છોડનારાઓની સંખ્યા 1,22,819 હતી તો 2012માં 1,20,923નો આંકડો હતો જે 2013માં વધીને 1,31,405 થઈ ગયો હતો. 2014માં આ આંકડો થોડો ઘટીને 1,29,328 પર આવ્યો હતો.