નસીબના ખેલ! / 14 વર્ષ પહેલાં અનિલ અંબાણી દેશના ત્રીજા ધનવાન હતા, આજે છે એટલી સંપતિ કે જાણીને દંગ રહી જશો

• 14 વર્ષ પહેલાં અનિલ અંબાણી દેશના ત્રીજા ધનવાન
• આજના સમયે ભાઈ મુકેશથી ખૂબ પાછળ
• આજે તેમની નેટવર્થ શૂન્ય, અને બની ચૂક્યા છે દેવાદાર

ધીરુભાઈ અંબાણીના દીકરા અનિલ અંબાણી એક જમાનામાં દેશના ત્રીજા સૌથી અમીર વ્યક્તિ હતા. 2007માં ફોર્બ્સમાં પ્રકાશિત રિપોર્ટ અનુસાર અનિલની નેટવર્થ 3ગણી વધીને 45 બિલિયન ડોલર પહોંચી હતી. તેઓ તે સમયે દેશના ત્રીજા સૌથી અમીર નાગરિક બની ગયા હતા. પછી સમયમાં તેઓ માત ખાતા ગયા અને ભાઈ મુકેશથી પણ પાછળ ચાલ્યા ગયા. તેમની નેટવર્થ હાલમાં શૂન્ય છે. 

સપ્ટેમ્બર 2019 આવતા તેમની પર 12.40 અરબ ડોલરનું દેવું

આ મહિને 62 વર્ષના થયેલા અનિલ 2008મા 42 અરબ ડોલરની સાથે વિશ્વના હિલિનેયર ક્લબનો ભાગ બન્યા હતા. પરંતુ સપ્ટેમ્બર 2019 આવતા તેમની પર 12.40 અરબ ડોલરનું દેવું થયું. આ સમયે યૂકેની એક કોર્ટમાં તેમની તરફથી કહેવાયું કે તેમની નેટવર્થ શૂન્ય છે. તેમના ભાઈ સતત સફળતા મેળવી રહ્યા છે. 2018માં મુકેશ અંબાણીની નેટવર્થ 43 અરબ ડોલર હી જે આ સમયે 82 અરબ ડોલર સુધી પહોંચી છે. 

શેરબજારમાં સતત મળી રહ્યો છે ઉછાળો

અનિલ અંબાણી છેલ્લા લાંબા સમયથી દેવામાં ડૂબેલા છે પરંતુ થોડા મહિના પહેલા તેઓએ તેને ઘટાડવા માટે અનેક પગલા લીધા છે.  રિલાયન્સ ઈન્ફ્રાની અનેક સંપત્તિઓ વેચાઈ ગઈ છે. આ સમયે અનેક લોન ચૂકવવામાં પણ ડિફોલ્ટ થયો છે. છેલ્લા કેટલાક દિવસોથી એસબીઆઈએ એક કેસમાં અનિલ અંબાણીને રાહત આપી છે. તેનાથી શેર બજારમાં લિસ્ટેડ અનિલ અંબાણીની કંપનીના શેરમાં ખૂબ મોટો ઉછાળો જોવા મળ્યો છે. 

અનિલ અંબાણીની 6 કંપનીઓ શેર બજારમાં લિસ્ટેડ
હાલમાં અનિલ અંબાણી સમૂહની 6 કંપનીઓ શેરબજારમાં લિસ્ટેડ છે. આ દરેક કંપનીના શેરમાં 5 ટકાનો વધારો જોવા મળવાની સાથે અપર સર્કિટ પણ લાગી છે. આ પછી કેટલીક કંપનીના શેર નબળા થઈ ગયા હતા. 

આ રીતે ઉછળ્યો રિલાયન્સ નેવલ
રિલાયન્સ નેવલનો શેર 2.80 ટકાથી વધીને 4.81 રૂપિયા પર આવ્યો હતો. માર્કેટ કેપ 354 કરોડ રૂપિયા રહી છે. આ સિવાય રિલાયન્સ પાવરનો શેર ભાવ 12.74 રૂપિયા રહ્યો છે તો માર્કેટ કેપ 3573 કરોડ રૂપિયાની આસપાસ રહી છે.