અમદાવાદ / CTMના ડબલડેકર બ્રિજ પરથી સુસાઇડ કરવાનો 12 વર્ષના વિદ્યાર્થીનો પ્રયાસ, થોડા દિવસ પહેલા જ યુવતીએ માર્યો હતો કૂદકો

• CTM નજીક 12 વર્ષના વિદ્યાર્થીએ કર્યો આપઘાતનો પ્રયાસ
• વિદ્યાર્થીએ CTM બ્રિજ પરથી નીચે કુદવાનો કર્યો પ્રયાસ
• લોકોને જાણ થતા વિદ્યાર્થીને આપઘાત કરતા બચાવ્યો

અમદાવાદ શહેરમાં જીવન ટૂંકાવવાના કિસ્સાઓ સતત વધી રહ્યા છે. ત્યારે આવી જ વધુ એક ઘટના શહેરમાં બનતા અટકી છે. વાસ્તવમાં આજે CTMના ડબલડેકર બ્રિજ પરથી 12 વર્ષના વિદ્યાર્થીએ કૂદવાનો પ્રયાસ કર્યો હતો. સદનસીબે આસપાસનાં લોકોએ તેને બચાવી લીધો હતો. સ્થાનિક પોલીસે પણ ઘટના સ્થળે પહોંચીને બાળકને સમજાવ્યો હતો. જે બાદ વિદ્યાર્થીને સહીસલામત તેના ઘરે પહોંચાડવામાં આવ્યો હતો. જોકે, 12 વર્ષીય વિદ્યાર્થી શા માટે આવું પગલું ભરવા જઈ રહ્યો હતો તેનું કારણ હજુસુધી સામે આવ્યું નથી. મહત્વનું છે કે, થોડા દિવસ પહેલા પણ એક યુવતીએ આ જ બ્રિજ પરથી પડતું મુક્યું હતું.

6 ફેબ્રુઆરીએ યુવતીએ લગાવી હતી બ્રિજ પરથી છલાંગ
અમદાવાદના CTM  ઓવરબ્રિજ પરથી ગત 6 ફેબ્રુઆરીએ યુવતીએ બપોરના સુમારે એકા એક છલાંગ લગાવી દીધી હતી.  CTM ડબલ ડેકર ઓવરબ્રિજ પરથી યુવતી દ્વારા છલાંગ લગાવતા અગમ્ય કારણોસર છલાંગ લગાવી આત્મહત્યા કરવાની કોશિશ કરતા સમગ્રે વિસ્તારમાં ચકચાર મચી જવા પામી હતી. યુવતીએ છલાંગ લગાવતા યુવતી નીચે પટકાઈ હતી. યુવતીને ગંભરી ઈજાઓ થતા તેને તાત્કાલી 108 મારફતે મણિનગરની એલજી હોસ્પિટલમાં ખસેડવામાં આવી હતી. યુવતિને માથાના ભાગે ગંભીર ઈજાઓ તેમજ પગે ફેક્ચર થતા તેને સારવાર અર્થે ખસેડવામાં આવી હતી.

અમદાવાદ/ ચાલુ ટ્રાફિકે CTM ઓવરબ્રિજ પરથી યુવતીએ લગાવી છલાંગ, લોકો ચીસો પાડી ગયા, 10 સેકન્ડમાં..#ahmedabad #CTM #vtvgujarati pic.twitter.com/dp7c3T4G2N

— VTV Gujarati News and Beyond (@VtvGujarati) February 6, 2023

યુવતીને ખસેડાઈ હતી સારવાર અર્થે
અમદાવાદના CTM  ઓવરબ્રિજ પરથી બપોરના સુમારે એક યુવતિએ આત્મહત્યા કરવાની કોશિશ કરતા ચકચાર મચી જવા પામી હતી. યુવતિએ કૂદકો મારતા યુવતિના માથાના ભાગે ગંભીર ઈજાઓ થતા તાત્કાલીક તેને 108 મારફત સારવાર અર્થે લઈ જવામાં આવી હતી. ત્યારે યુવતિને એલજી હોસ્પિટલમાં સારવાર અર્થે લઈ જવામાં આવી હતી.