લૉન્ચ / Facebook ની ક્રિપ્ટોકરન્સી Libra, જાણો 10 મોટી વાતો

સોશિયલ મીડિયા પ્લેટફોર્મ ફેસબુકે જાહેરાત કરી છે કે એ આવતા વર્ષે ક્રિપ્ટોકરંસી લિબ્રા લૉન્ચ કરી દેશે. માનવામાં આવી રહ્યું છે કે આવતા છ થી 12 મહિનામાં લિબ્રાનું લૉન્ચિંગ થઇ જશે. એકબાજુ ફેસબુકલિબ્રાને સ્ટેબલકૉઇન જણાવી રહ્યું છે અને દુનિયાને આશ્વસ્ત કરી રહ્યું છે કે આ બિટકૉઇન જેવી ઉથલપાથલ ભરી ક્રિપ્ટોકરંસી નહીં થાય, તો બીજી બાજુ દુનિયાભરના રેગ્યુલેટર્સ ફેસબુકની ડિજીટલ પ્રાઇવેસી રેકોર્ડ જોઇને ચિંતિત નજરે આવે છે. 

ફેસબુક પોતાના બે ડઝનથી વધારે પાર્ટનરોની સાથે લિબ્રાનું લૉન્ચિંગ કરશે. આ પાર્ટનરોમાં પેપાલ, ઉબર, સ્પૉટિફાઇ, વિઝા અને માસ્ટરકાર્ડ જેવી દિગ્ગજ કંપનીઓ સામેલ છે. ફેસબુકને પોતાના હાલની અને ભવિષ્યના ભાગીદારો થી 1 અરબ ડૉલરની સહાયતાની આશા છે. 

ફેસબુકને આશા છે કે એમની ડિજીટલ કરંસી લિબ્રા એક દિવસ અમેરિકન ડૉલરની હૈસિયત પ્રાપ્ત કરશે અને એની જેમ જ એની પણ ટ્રેડિંગ હશે. 

લિબ્રા એક સ્ટેબલકૉઇન હશે. સ્ટેબલકૉઇન એ ડિજીટલ કરંસીને કહેવામાં આવે છે જેને સરકાર સમર્થિત મુદ્રાઓ અને પ્રતિભૂતિઓનું સમર્થન પ્રાપ્ત થાય છે. 

ફેસબુક બ્લૉકચેન ટીમના હેડ ડેવિડ માર્કસનું કહેવું છે કે ફેસબુક એક નવું ડિજીટલ વૉલેટ તૈયાર કરવાની યોજના બનાવી રહ્યું છે જે મેસેન્જર અને વૉટ્સએપની અંદર હશે. આ બંને એપ્સથી મિત્રો, પરિવારના સભ્યો અને વ્યાપારિક સંસ્થાઓની વચ્ચે લિબ્રાની લેણદેણ થઇ શકશે. 

લિબ્રા વૉલેટ માટે નવી કંપની કેલિબ્રા બનાવવામાં આવી છે. એ ડિજીટલ વૉલેટ બનાવી રહી છે. આ વૉલેટથી લોકો લિબ્રા ખરીદી શકશે, ઉપયોગ કરી શકશે અને બીજાની સાથે મોકલી શકશે. 

કેલિબ્રાનું વૉલેટ ઉપયોગ કરવા માટે ફેસબુક અકાઉન્ટની જરૂર પડશે નહીં, આ વૉલેટથી લોકો ફેસબુકની બે મેસેજિંગ એપ્સ, વોટ્સએપ અને મેસેન્જર દ્વારા લિબ્રાની લેણદેણ કરી શકશે. શરૂઆતમાં ઇન્સ્ટાગ્રામ મેસેજને વૉલેટ સાથે જોડવામાં આવશે નહીં. 

કેલિબ્રાનો વાયદો છે કે એ લિબ્રા યૂઝર્સના ટ્રાન્ઝેક્શન ડેટા ક્યારેય પણ ફેસબુક સાથે શેર કરશે નહીં, હાં જો લોકો વસ્તુઓ ખરીદવા અને પૈસા મોકલવા માટે ફેસબુક પ્રોડક્ટ્સનો ઉપયોગ કરે છે તો શક્ય છે કે ફેસબુક એની ખરીદદીરા અને પૈસાની લેણદેણની આદતોથી જોડાયેલા આંકડા પ્રાપ્ત કરી લે. 

ફેસબુકના અધિકારીઓનું કહેવું છે કે લિબ્રા કોઇ પણ ફી વગર દુનિયાભરમાં પૈસાનું આદાન પ્રદાનનો રસ્તો બનશે. હાલ વેસ્ટર્ન યૂનિયન અને બીજા આંતરરાષ્ટ્રીય મની ટ્રાન્સફર સર્વિસ પૈસાની લેવડ દેવડ માટે ફી વસૂલે છે. 

એમનું કહેવું છે કે લિબ્રા મોટી સંખ્યામાં લોકો માટે ઑનલાઇન શોપિંગનો દરવાજો ખોલી દેશે જેનું કોઇ બેંક અકાઉન્ટ અથવા ક્રેડિટ કાર્ડ નથી. 

લિબ્રાના પાર્ટનર્સ સામાન્ય લોકો અને વેપારીઓને લિબ્રાનો ઉપયોગ કરવા માટે ઇન્સેન્ટિવ આપશે. એમાં ઉબર ડિસ્કાઉન્ટથી લઇને લિબ્ર બોનસ જેવી ઓફર્સ સામેલ છે. આ ઓફર્સ કેલિબ્રા વૉલેટ સાઇન ઇન કરતી વખતે મળશે.