ગુજરાતમાં UNLOCK-1 ના પ્રથમ દિવસે જ લિકર શોપ પર દારૂનું ધૂમ વેચાણ થયુ હતુ. પરમિટેડ લિકર શોપ ખુલતાની સાથે જ પરવાનાધારાક લોકોએ લાઈનો લગાવી હતી. રાજ્યની 65 જેટલી લિકર પરમિટ શોપ પર લોકો ઉમટી પડ્યા હતા. અમદાવાદ ની 18 લિકર શોપમાં આશરે 1 કરોડનો દારૂ વેચાયો હોવાનુ સૂત્રોએ જણાવ્યું હતું.
ગુજરાતમાં હાલમાં આશરે 65 જેટલી લિકર શોપ
26 જિલ્લા પ્રોહિબિશન ઓફિસ દ્વારા સંચાલન
રાજ્યમાં હાલમાં 27000 પરમિટ હોલ્ડાર
ભર ઉનાળે લોકો પોતાની મનગમતી બ્રાન્ડ લેવા પહોંચી ગયા હતા. જો કે બે મહિનાથી સ્ટોક કર્યો ન હોઈ લોકો જે મળ્યું હોય તે લઈ ગયા હતાં. લોકોએ ખાસ કરીને બીયર માટે ભારે ડિમાન્ડ કરી હતી. જેથી કેટલીક જગ્યાએ બીયર સ્ટોક ખાલી થઈ ગયો હતો. મોટાભાગની લિકર શોપ દ્વારા ટોકન સિસ્ટમ પાળવામાં આવી હતી અને સોશિયલ ડિસ્ટન્સનું પાલન કરાયું હતું. હોટલો એ ગ્રાહકો માટે એસી હોલમાં બેસવાની વ્યવસ્થા કરી હતી.
રાજ્યમાં હાલમાં 27000 પરમિટ હોલ્ડાર
ગુજરાતમાં હાલમાં આશરે 65 જેટલી લિકર શોપ છે જેનું 26 જિલ્લા પ્રોહિબિશન ઓફિસ દ્વારા સંચાલન થાય છે. રાજ્યમાં હાલમાં 27000 પરમિટ હોલ્ડાર છે જેમાંથી 17000 અમદાવાદમાં છે. ગુજરાતના ડાયરેકટર ઓફ પ્રોહીબિશન સુનિલ કુમારે જણાવ્યું હતું કે, રાજ્યની લિકર શોપ કેન્દ્ર સરકારના નિયમોને આધીન ખોલવામાં આવી છે. બપોર સુધીમાં પ્રોહિબિશન ખાતાએ સ્ટોક લીધો હતો. ત્યાર બાદ લોકોને વેચાણ ચાલુ કરવામાં આવ્યું હતું.
દારૂનું વેચાણ ટોકમ સિસ્ટમથી
ટોકન સિસ્ટમ રાખી હતી અને ગ્રાહકોને હોલમાં બેસાડ્યા હતા જેથી લાઈનો ન લાગે.
બીયરની બોટલો એક્સપાયર થઈ ગઈ હતી
લીકરશોપમાં બીયરની બોટલો 2 મહિનાના લોકડાઉનને કારણે એક્સપાયર થઈ ગઈ હતી. જેને કારણે બીયરના સ્ટોકની સોર્ટેજ સર્જાઈ હતી. હોટલેને પણ માલ એક્સપાયર થતા નુકસાન થયુ છે.
પરમિટમાં બે મહિના ઉમેરી આપો તેવી માગણી
પરમિટ ધારકોએ એવી પણ માંગ કરી રહ્યા છે કે, સરકારે પરમિટની પૂરી ફી લીધી હોવાથી બે મહિના જેટલો લૉક ડાઉન નો સમય ઉમેરી આપવો જોઈએ. જો તેમ ન કરે તો એપ્રિલ અને મે ના લેપ્સ થયેલા યુનિટ સ્ટોક જૂનમાં લેવાની મંજૂરી આપો.