આજે મોટાભાગના લોકો પાસે મોબાઇલ છે. જોકે મોબાઇલ હેક થવાનો ખતરો પણ દિવસેદિવસે વધી રહ્યો છે. અનેક હેકર્સ ડેટા ચોરી માટે લોકોના મોબાઇલ ટ્રેક કરે છે. આમ તો મોબાઇલ ટ્રેક થતો હોય તો સામાન્ય રીતે યુઝરને ખબર પડતી નથી. જોકે કેટલાક એવા કોડ છે જેના દ્વારા તમે ચેક કરી શકો છો કે તમારા મોબાઇલને ક્યાંક ટ્રેક કરવામાં આવી રહ્યો છે કે નહીં?
કોડ * # 62 # : જ્યારે કોઈ તમને કોલ કરે છે, ત્યારે ઘણી વખત તમારો નંબર નો સર્વિસ અથવા નો આન્સર કહે છે. તેથી આવી સ્થિતિમાં, તમે ફોનમાં આ કોડ ડાયલ કરી શકો છો અને કોઈએ તમારો નંબર રીડાયરેક્ટ કર્યો છે કે કેમ તે ચકાસી શકો છો. આ સિવાય, તમારો નંબર ઓપરેટરના નંબર પર પણ રીડાયરેક્ટ કરવામાં આવે છે.
કોડ * # 21 # : તમારા ફોનમાં આ કોડ ડાયલ કરીને, તમે સરળતાથી જાણી શકો છો કે કોઈકે તમારો મેસેજ કોલ અથવા ડેટાને બીજે ડાયવર્ટ કર્યો છે કે કેમ?. જો તમારો કોલ ક્યાંક ડાઇવર્ટ કરવામાં આવી રહ્યો છે, તો આ કોડની સહાયથી તમને નંબર સહિત સંપૂર્ણ વિગતો મળશે. તમારો કોલ જે નંબર પર ડાયવર્ટ કરાયો હોય તે નંબર પણ જાણી શકાય છે.
કોડ ## 002 #: આ કોડ સ્માર્ટફોન માટે ખૂબ જ ખાસ છે, કારણ કે તેની સહાયથી તમે કોઈપણ ફોનની બધી ફોરવર્ડિંગને ડિ-એક્ટિવ કરી શકો છો. જો તમને લાગે કે તમારો કોલ ક્યાંક ડાયવર્ટ થયો છે, તો પછી તમે આ કોડ ડાયલ કરીને ડાયવર્ટને બંધ કરી શકો છો.
કોડ * # * # 4636 # * # * : આ કોડની સહાયથી, તમે તમારા ફોન વિશે સંપૂર્ણ માહિતી મેળવી શકો છો. જેમ કે ફોનની બેટરી Wi-Fi કનેક્શન, મોડલ, રેમ વગેરે. આ કોડને ફ્રીમાં ડાયલ કરી શકાય છે.