Zomato / રૂ.4447 કરોડમાં Zomato એ ખરીદી લીધી આ કંપની, ભોજનની સાથે આ વસ્તુઓની પણ ડિલિવરીની તૈયારી?

• ઝોમેટો (Zomato)એ  4447 કરોડ રૂપિયામાં ડીજીટલ કરીયાણા કંપની ખરીદી 
• ઝોમેટો (Zomato) અને ટાઇગર ગ્લોબલે 120 મીલીયન ડોલર Blinkitમાં નિવેશ કર્યા
• ઝોમેટો શેરના ભાવમાં ધરખમ ઘટાડો જોવા મળી રહ્યો

ઝોમેટો (Zomato)  ના બોર્ડે ડીજીટલ કરીયાણા કંપની Blinkitને ખરીદવાની મંજુરી આપી દીધી છે. ઝોમેટો (Zomato)એ  4447 કરોડ રૂપિયામાં ડીજીટલ કરીયાણા કંપની Blinkit જે પહેલા Grofersના નામે જાણીતી હતી તેને ખરીદવાનો નિર્ણય લઇ લીધો છે. કંપનીએ સ્ટોક એક્સચેન્જની રેગ્યુલેટરી ફાઈલિંગ સમયે આ જાણકારી આપી હતી. ઝોમેટો (Zomato) ખાવા-પીવાનું ઓનલાઈન ઓર્ડર અને ડીલીવરીનું પ્લેટફોર્મ છે જ્યાં હવે Blinkit ઓનલાઈન કરીયાણા સ્ટોર પણ ઉપલબ્ધ હશે. 

ઝોમેટો (Zomato) 4447 કરોડ રૂપિયામાં ડીજીટલ કરીયાણા કંપની Blinkit ખરીદવા જઈ રહી છે. જે Blinkit ના પાછલા વેલ્યુએશન કરતા 43 ટકા ઓછુ છે. એક સમયે Blinkitની માર્કેટ વેલ્યુ 1 અરબ ડોલર આંકવામાં આવી હતી. ઝોમેટો (Zomato) અને ટાઇગર ગ્લોબલે 120 મીલીયન ડોલર Blinkitમાં નિવેશ કર્યા છે. 

માનવામાં આવે છે કે આ Blinkit સાથેની આ ડીલથી ઝોમેટો (Zomato)ને ઘણો ફાયદો થશે. ઝોમેટો (Zomato) ને ગ્રોસરી ક્ષેત્રમાં તેમની ઉપસ્થિતિ દર્જ કરાવવામાં ઘણી મદદ મળશે. જો કે હાલ બીગ-બાસ્કેટ, રિલાયન્સનું ડનજો અને જેપ્ટો જેવી કંપનીઓને ટક્કર આપવી પડશે. શુક્રવારે શેર બજાર બંધ થયું ત્યારે ઝોમેટો (Zomato) ના શેરમાં 1.37 ટકા વધારો જોવા મળ્યો હતો. ગઈકાલે ઝોમેટો (Zomato)નો શેર 70.50 રૂપિયાએ બંધ થયો હતો જે તેના આઈપીઓના ભાવ 76 રૂપિયાથી ઘણો નીચો છે. ઝોમેટો (Zomato)નો માર્કેટ કેપ  55,509 કરોડ રૂપિયા છે. આ શેર 169ની સપાટી સુધી પંહોચી ગયો હતો પણ હાલ શેરના ભાવમાં ધરખમ ઘટાડો જોવા મળી રહ્યો છે.