ટીમ ઇન્ડિયાના સ્ટાર ક્રિકેટર મહેન્દ્ર સિંહ ધોનીની દિકરી જિવાના ફોટાશૂટના કેટલાક ફોટો થોડાક સમય પહેલા ખૂબ જ વાયરલ થયા હતા. આ ફોટા જિવાના ઇન્સ્ટાગ્રામ અકાઉન્ટથી શેર કરવામાં આવ્યા હતા. હવે એક વીડિયો સામે આવ્યો છે જેમાં જિવા આ ફોટોશૂટ દરમિયાન ખૂબ જ મસ્તી કરતી જોવા મળી રહી છે. ફોટોશૂટ દરમિયાન જિવાએ ખૂબ તોફાન પણ કર્યું.
આ ફોટોશૂટ ઇન્ડિયન પ્રીમિયમ લીગ દરમિયાનનો છે. આઇપીએલ દરમિયાન સાક્ષી અને જિવા ચેન્નાઇ સુપર કિંગ્સના લગભગ દરેક મેચમાં સ્ટેડિયમમાં જોવા મળ્યા હતા. સીએસકેને આ વખતે બે વર્ષના પ્રતિબંધ બાદ વાપસી કરી હતી અને આઇપીએલ ટ્રોફી પર કબ્જો કર્યો હતો. મહેન્દ્ર સિંહ ધોનીનું ફોર્મ પણ આ વખત શાનદાર જોવા મળ્યું હતું. એને પોતાની કેપ્ટની અને બેટિંગના દમ પર સીએસકેને આઇપીએલ ચેમ્પિયન બનાવ્યું.