- યુક્રેન અને રશિયા વચ્ચે ચાલી રહ્યો છે જંગ
- યુક્રેનના વિદેશમંત્રીએ ભારત પાસે મદદ માગી
- રશિયાને યુદ્ધ રોકવા વાત કરો
યુક્રેન પર રશિયા સતત હુમલાઓ કરી રહ્યું છે. નવા પ્રતિબંધોની માગને લઈને યુક્રેનના વિદેશ મંત્રી દિમિત્રો કુલેબાએ ભારતને અપીલ કરી છે કે, રશિયને આ યુદ્ધ રોકવા માટે કહો. એક ટેલીવિઝન સંબોધન દરમિયાન કુલેબાએ રશિયા પર યુદ્ધવિરામ કરારનું ઉલ્લંઘન કરવાનો આરોપ લગાવ્યો હતો. સાથે જ યુદ્ધગ્રસ્ત વિસ્તારમાં વિદેશી વિદ્યાર્થીઓ અને નાગરિકોને સુરક્ષિત નિકાસી માટે ફાયરીંગ બંધ કરવાનો આગ્રહ કર્યો છે.
યુક્રેનની સરકાર સતત કામ કરી રહી છે
તેમણે કહ્યું કે, 30 વર્ષ માટે યુક્રેન આફ્રિકા અને એશિયાના હજારો વિદ્યાર્થીઓ માટે સ્વાગત યોગ્ય ઘર હતુ. વિદેશી વિદ્યાર્થીઓને અહીંથી કાઢવા માટે યુક્રેનની ટ્રેનોની વ્યવસ્થા કરી છે. હોટલાઈન સ્થાપિત કરી છે. દૂતાવાસો સાથે કામ કર્યું છે. યુક્રેની સરકાર સતત તેમના માટે કામ કરી રહી છે.
રશિયાને યુદ્ધ રોકવા અપીલ કરો
યુક્રેનના વિદેશ મંત્રીએ દાવો કર્યો છે કે, રશિયા હાલના દિવસોમાં સહાનુભૂતિ જીતવાની કોશિશ કરી રહ્યું છે. જેમના નાગરિકો યુક્રેનમાં છે. તેમણે કહ્યું કે, જો રશિયા વિદેશી વિદ્યાર્થીઓના મામલે મદદ કરે છે, તો આ તમામને સુરક્ષિત કાઢી લેવામાં આવશે. તેમણે કહ્યું કે, હું ભારત, ચીન અને નાઈઝીરિયાની સરકારોને અપીલ કરવા માગુ છું કે, રશિયાને ફાયરીંગ રોકવા અને નાગરિકોને નિકળવાની મંજૂરીની અપીલને સ્વિકારે.
ભારત અમારો મોટો ગ્રાહક છે
આ ઉપરાંત કુલેબાએ કહ્યું કે, ભારત સહિત તમામ દેશ જે રશિયા સાથે વિશેષ સંબંધો સાથે જોડાયેલા છે. રશિયાના રાષ્ટ્રપતિ વ્લાદિમીર પુતિનને અપીલ કરી શકે છે કે, તે યુદ્ધ તમામ હિતો વિરુદ્ધ છે. તેમણે તર્ક આપ્યો છે કે, સંઘર્ષનો અંત તમામ દેશોના સર્વોત્તમ હિતમાં છે. ભારત યુક્રેનના કૃષિ ઉત્પાદનનો સૌથી મોટો ગ્રાહક છે. જો આ યુદ્ધ ચાલુ રહેશે તો, અમારા માટે નવા પાકની વાવણી કરવી ખૂબ મુશ્કેલ રહેશે. વૈશ્વિક અને ભારતીય ખાદ્ય સુરક્ષાના સંદર્ભમાં પણ યુદ્ધને રોકવું બધાના હિતમાં છે.
અમે અમારી જન્મભૂમિની રક્ષા કરીએ છીએ
તેમણે આગળ સામાન્ય ભારતીય નાગરિકોને પણ યુદ્ધ રોકવાની માગને લઈને રશિયા પર દબાણ બનાવાનું આહ્વાન કર્યું. તેમણે કહ્યું કે, યુક્રેન ફક્ત એટલા માટે લડી રહ્યું છે કે, કેમ કે અમારા પર હુમલો કરવામાં આવ્યો હતો અને અમે અમારી જન્મભૂમિની રક્ષા કરવી છે. કારણે પુતિન અમારા અસ્તિત્વના અધિકારીઓને નથી ઓળખતાં.
