વિશ્વાસઘાત / અહીં લોકોનાં એક નથી થતાં અને આ ભાઈએ 350 મહિલાઓને આપ્યું લગ્ન કરવાનું વચન, કરોડો રૂપિયાનો ચૂનો લગાવ્યો

• નોઈડામાં એક માણસે 350 મહિલાઓ સાથે લગ્ન કરવાનુ વચન આપ્યું
• યુવક લગ્નના બહાને મહિલાઓ સાથે પૈસા વસૂલતો હતો
• ક્યારેક બિઝનેસમેન તો મોટા અધિકારી તરીકેની આપતો હતો ઓળખ

ટોળકી નહીં પરંતુ એકલો માણસ જ આ બધુ ચલાવતો હતો

કારણકે યુવકે એક-બે અથવા દસ-વીસ નહીં પરંતુ બધી 350 મહિલાઓ સાથે લગ્ન કરવાનું વચન આપ્યું. ત્યારબાદ આ યુવક તેની સાથે સોશિયલ મીડિયામાં ચેટ કરતો હતો. આ દરમ્યાન પોતાને મોટો બિઝનેસમેન તો ક્યારેક મલ્ટીનેશનલ કંપનીમાં મોટો અધિકારી જણાવતો હતો. એટલું જ નહીં, તેણે ઘણી મહિલાઓને તો પોતાના બિઝનેસમાં પાર્ટનર બનાવવાનું વચન આપ્યું હતુ.  આટલું જાણ્યા બાદ તમે બધા વિચારી રહ્યાં હશો કે આની પાછળ કોઈ મોટી ટોળકી કામ કરી રહી છે. પરંતુ તમને જાણીને આશ્ચર્ય સર્જાશે કે આ કોઈ ટોળકી નહીં પરંતુ એકલા સંજય સિંહે અંજામ આપ્યો છે. આરોપીના નિશાને મોટાભાગે છૂટાછેડા અને મોટી ઉંમરમાં દુલ્હા તલાશી રહેલી મહિલાઓ હતી. જો કે, પકડાયેલા આ યુવકનુ સાચુ નામ સંજય સિંહ નથી. તેણે મહિલાઓને છેતરવા માટે આ નામ રાખ્યું હતુ. આરોપીનુ સાચુ નામ ગુલમજે છે, જે આફ્રિકાનો રહેવાસી છે અને દેશમાં મહિલાઓના વાળનો વ્યાપાર કરવા આવ્યો હતો. 

મેટ્રીમોનિયલ સાઈટ પર બનાવ્યું એકાઉન્ટ  

આરોપી ગુલમજે ત્રણ વર્ષ પહેલા બિઝનેસ વિઝા પર ભારત આવ્યો હતો. ભારત આવ્યાં બાદ સંજય સિંહ ઉર્ફે ગુલમજેએ જોયુ કે અહીં મેટ્રીમોનિયલ સાઈટ પર ઘણી યુવતીઓ અને મહિલાઓ છે. જેનો ફાયદો ઉઠાવીને ગુલમજેએ પણ સંજય સિંહના નામથી એક પોતાનુ એકાઉન્ટ બનાવ્યું. ત્યારબાદ તે છૂટાછેડા અને લગ્ન માટે દુલ્હા શોધતી  મોટી ઉંમરની મહિલાઓ સાથે સંપર્ક કરવા લાગ્યો. આ દરમ્યાન તે મહિલાઓને ક્યારેક પોતાનો બિઝનેસમેન અને ખાનગી કંપનીમાં મોટો અધિકારી જણાવતો હતો. ધીરે-ધીરે તે મહિલાઓની સાથે સોશિયલ મીડિયામાં વાતચીત કરવા લાગ્યો.