વફાદાર પ્રાણી / શ્વાનની આવી રેસ તમે ક્યારેય નહીં જોઈ હોય, Video જોઈ આવી જશે મજા

• પ્રાણીઓમાં શ્વાન સૌથી વફાદાર પ્રાણી
• સો.મીડિયામાં વાયરલ થયેલા વીડિયોમાં શ્વાનની રેસ ચાલી રહી છે
• રેસ જોવા માટે મેદાનમાં લોકો ભેગા થાય છે 

રેસમાં ઘણા શ્વાન ભાગ લે છે 

આમ તો સોશિયલ મીડિયામાં દરરોજ શ્વાનના ડઝન જેટલા વીડિયો વાયરલ થતા હોય છે. પરંતુ કેટલાંક વીડિયો એવા હોય છે, જેને લોકો ખૂબ પસંદ કરે છે. શ્વાનના વીડિયો લોકોને ખૂબ ક્યુટ લાગે છે. આવો એક વીડિયો અત્યારે સોશિયલ મીડિયામાં ખૂબ વાયરલ થઇ રહ્યો છે, જેને જોઈને લોકો ખૂબ એન્જોય કરી રહ્યાં છે. વાયરલ વીડિયોમાં શ્વાનની રેસ ચાલી રહી છે. જો કે, રેસમાં ભાગ લઇ રહેલા શ્વાનોને રેસ સાથે કોઈ મતલબ નથી. જેવી રેસ શરૂ થાય છે, તેવા જ બધા શ્વાન દરેક બાજુ ભાગવા લાગે છે.

રેસ જોવા માટે લોકો થાય છે એકત્રિત

વીડિયોમાં જોઈ શકાય છે કે શ્વાનની રેસ જોવા માટે એક મેદાનમાં ઘણાં લોકો એકત્રિત થયા છે. જેમાંથી ઘણા લોકોના શ્વાન રેસમાં ભાગ લઇ રહ્યાં છે. રેસ જેવી શરૂ થાય છે તેવા જ શ્વાન ફૂલ સ્પીડમાં ભાગે છે. પરંતુ થોડી સેકન્ડમાં જ શ્વાન આડાઅવળા ભાગવા લાગે છે. વીડિયોમાં જોઈ શકાય છે કે અમુક શ્વાન રેસ પોઈન્ટ પર જ ઉભા રહી જાય છે. જ્યારે અમુક શ્વાન આજુબાજુમાં નિકળી જાય છે. જુઓ વીડિયો

Corgi chaos.. 😂 pic.twitter.com/VmnbrMh770

— Buitengebieden (@buitengebieden_) January 25, 2022

આખરે એક શ્વાન રેસ જીતી જાય છે 

વીડિયોમાં એક-બે શ્વાન થોડી દૂર રેસ લગાવતા દેખાય છે. પરંતુ થોડા આગળ જતા શ્વાનની રેસ ધીમી પડી જાય છે. ઘણા સમય સુધી સંચાલક અને શ્વાનના માલિક શ્વાનને રેસ પૂરી કરવાની વાત સમજાવી રહ્યાં છે. ત્યારબાદ અચાનક બે શ્વાન થોડા આગળ વધે છે. આખરે તેમાંથી એક શ્વાન રેસ જીતી જાય છે. વીડિયોને @buitengebieden_ નામના એકાઉન્ટ પરથી શેર કરવામાં આવ્યો છે.