નોલેજ / દરેક જિન્સની ઝિપ પર ત્રણ અક્ષરમાં લખ્યું હોય છે કંઈક આવું, જાણો શું છે તેનો અર્થ

દુનિયામાં ઘણી વસ્તુઓ રોજ આપણી દૈનિક જિંદગી સાથે જોડાયેલી હોય છે પરંતુ આપણને તેમના વિશે ખબર હોતી નથી. આજ વાત જીન્સની ઝિપ પર લાગુ પડે છે. રોજ બધા જીન્સ પહેરે પણ છે અને ખરીદે પણ છે અને જીન્સ ખરીદતી સમયે તેની ઝિપને સારી રીતે ચેક પણ કરે છે કે આ સારી રીતે કામ કરે છે કે નહિ ! પરંતુ આ સવાલનો જવાબ નથી જાણતા.

આજે તમને YKK નો મતલબ જણાવીએ છીએ કે તમે પણ આ સવાલનો જવાબ સહેલાઈથી આપી શકો. ખરેખર, YKK એક શોર્ટ ફોર્મ છે જેનું ફૂલ ફોર્મ 'Yoshida kogyo Kabushikigaisha' છે.

વાંચીને તમે હેરાન થઇ ગયા ને ? ઘણા ઓછા લોકો આનું ફૂલ ફોર્મ જાણતા હોય છે. તમને જણાવી દઈએ કે દુનિયાની સૌથી પહેલા ઝિપ બનાવતી કંપની છે. એક અનુમાન મુજબ વિશ્વના અડધાથી વધુ ઝિપ આ કંપની દ્વારા બનાવવામાં આવે છે. અત્યારે, આ 71 દેશોમાં તેનો બિઝનેસ ચલાવી રહી છે, જેમાં ભારતનું નામ પણ શામેલ છે. વર્ષ 1934માં ટોક્યોના એક વ્યાપારી Tado Yoshida એ આવિષ્કાર કર્યો હતો.

આવિષ્કારનો કમાલ જુઓ... કોઈ મોટી શોધ પર ધ્યાન ન આપતા તેણે આ નાની વસ્તુ પર ફોકસ કર્યું અને આજે અરબો લોકોને આ આવિષ્કારની જરૂર પડી રહી છે. આટલું જ નહિ, તે લાખો લોકોના રોજગારનું સાધન છે. ચેન સિવાય YKK કપડાં અને બેગમાં જરૂર પડતી કેટલીક વસ્તુઓ પણ બનાવે છે. આ કંપનીનો સૌથી મોટો પ્લાન્ટ Georgia, USA માં છે. એક રિપોર્ટ અનુસાર આ કંપની રોજની 70 લાખ ઝિપ બનાવે છે.