IPLIN
 
  • Home
  • OMG
  • You Can Now Pay 5100 Rupees And Get Relax Session By Cuddling A Cow For An Hour

અનોખું / અહીંયાના લોકો 5100 રૂપિયા આપીને 'ગાય' સાથે એક કલાક વીતાવી રહ્યા છે

Team VTV 12:24 PM, 31 Jul 19
Follow us
You Can Now Pay 5100 Rupees And Get Relax Session By Cuddling A Cow For An Hour

આપણા દેશમાં ગાયને 'માતા' નો દરજ્જો આપવામાં આવ્યો છે. 

ગત થોડા સમયથી ગાય માતાને લઇને લોકોને ભાવકુતામાં વધારો થઇ રહ્યો છે.જોકે એ વાત અલગ છે કે, ગાય માતાને લઇને બૂમો પાડનારા રાજનેતાથી લઇને રસ્તા પરના સામાન્ય માણસમાં ભાગ્યે જ કોઇએ ગાય સાથે સમય વીતાવ્યો હોય. જોકે આ મામલામાં અમેરિકામાં લોકો ગાય સાથે સમય પસાર કરી રહ્યા છે.

આજકાલની લાઇફસ્ટાઇલ વ્યસ્ત થઇ ગઇ છે અને લોકો મનની શાંતિ માટે ઘણા પ્રકારના ઉપાયો અપનાવતા હોય છે. યૂરોપમાં લાંબા સમયથી ફાર્મમાં જઇને જાનવરોની સાથે શાંતિથી સમય વીતાવવાનું ચલણ વધી રહ્યુ છે. ઘણા સ્ટડી રિપોર્ટ્સ અનુસાર, જાનવરો સાથે સમય વીતાવવા પર અને તેમને થોડા સમય સુધી ભેટીને બેસી રહેવા પર માનસિક શાંતિ મળે છે. આ ચલણ હવે અમેરિકામાં પણ વધી રહ્યુ છે. રસપ્રદ વાત છે ન્યૂયોર્કના એક ફાર્મમાં ગાયને શામેલ કરવામાં આવી છે.

 

ન્યૂયોર્કમાં માઉન્ટેન ફાર્મ હાઉસમાં લોકોને માનસિક શાંતિ મળે તે માટે ગાયને ભેટવાની તક આપવામાં આવી રહી છે. અહીં કોઇપણ વ્યકિત 75 અમેરિકન ડોલર એટલે કે ભારતીય રાશિ પ્રમાણે 5100 રૂપિયા આપીને ફાર્મમાં ગાય સાથે એક કલાક પસાર કરી શકે છે. અહીં તેઓ ગાયને ભેટી શકે છે.  આ ફાર્મ  33 એકર જમીનમાં ફેયાયેલુ છે. 

ફાર્મના આ વેલનેશ સેશન વિશે વાત કરતા સુઝેન વુલર્સે જણાવે છે કે, ''અમે ગત 9 વર્ષથી આ પ્રકારનો પ્રોગ્રામ ચલાવી રહ્યા છીએ. લોકોને નાના જાનવરો વધારે પસંદ છે. પણ અમે લોકોને ઘોડા સાથે સમય પસાર કરવાની પણ તક આપીએ છીએ. હવે આ સેશનમાં ગાયોને પણ શામેલ કરવામાં આવી છે. ખાસ નેધરલેન્ડ્સથી આ ગાયને લઇને આવ્યા છે.''

ઉલ્લેખનીય છે કે, યુરોપના કેટલાક દેશોમાં આ પ્રકારે લોકો માનસિક શાંતિ મેળવે છે ગાય એક શાંત પશુ છે, તેનો સ્વભાવ શાંત હોવાને કારણે લોકોને તેની સાથે સમય પસાર કરવો ગમે છે. જોકે આ ફાર્મમાં ગાય સાથે સમય પસાર કરવા માટે એક ચોક્કસ સમય નક્કી કરવામાં આવ્યો છે. ગાયની દિનચર્યાને લઇને કોઇ ફેરફાર કરવામાં આવ્યો નથી અને તેનું શોષણ ના થાય તે માટેનું પણ ધ્યાન રાખવામાં આવ્યુ છે. અહીં આવતા લોકો આ વાત સમજે તે ખૂબ જ જરૂરી છે. 

world USA ગાય માનસિક શાંતિ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ