તમારા કામનું / ધ્યાન રાખજો! હેલમેટ પહેરેલું હશે તો પણ થઈ શકે છે દંડ, બચવા માટે આટલું જાણી લો

• હેલમેટ પહેરવા છતાં ટ્રાફિક પોલીસ ચલાણ કાપી શકે છે 
• નિયમો અનુસાર યોગ્ય રીતે હેલમેટ પહેરવું ફરજિયાત છે 
• આવું હેલમેટ પહેરવા પર દંડ ભરવો પડી શકે છે 

લોકો ઘણીવાર હેલમેટ પહેર્યા વિના રસ્તાઓ પર ટુ વ્હીલર ચલાવતા જોવા મળે છે અને તેને ટ્રાફિક નિયમોનું ઉલ્લંઘન માનવામાં આવે છે. અઆપણે બધા જાણીએ છીએ કે દરેક ટુ વ્હીલર સવાર માટે હેલમેટ પહેરવું ફરજિયાત છે. આ નિયમનું પાલન કરવા માટે ઘણા લોકો હેલમેટ પહેરે છે પણ તેમને ખબર નથી હોતી કે હેલમેટ પહેરવા છતાં ટ્રાફિક પોલીસ તેમનું ચલાણ કાપી શકે છે. જણાવી દઈએ કે ચલાણથી બચવા માટે માત્ર તેને પહેરવું જ જરૂરી નથી પણ નિયમો અનુસાર યોગ્ય રીતે પહેરવું ફરજિયાત છે અને આમ ન કરવા પર ભારે દંડ પણ ભરવો પડી શકે છે. 

શું છે નિયમ?
મોટર વાહન અધિનિયમ હેઠળના નવા નિયમો હેઠળ, જો ટુ-વ્હીલર સવાર હેલમેટ પહેરે છે પરંતુ પટ્ટા વિના હેલમેટ પહેરે છે અથવા હેલમેટ પાસે બ્યુરો ઑફ ઇન્ડિયન સ્ટાન્ડર્ડ્સ (BIS) પ્રમાણપત્ર નથી, અથવા ISI માર્ક નથી તો આ બધાને કલમ 129 હેઠળ ઉલ્લંઘન ગણવામાં આવે છે. 

યોગ્ય રીતે હેલમેટ પહેરવું 
મોટર વ્હીકલ એક્ટના નિયમો અનુસાર ટુ વ્હીલર ચલાવતા દરેક વ્યક્તિએ હેલમેટ પહેરવું ફરજિયાત છે અને હેલ્મેટ યોગ્ય રીતે પહેરવું પણ જરૂરી છે. ઘણીવાર એવું જોવામાં આવ્યું છે કે ચાલકો ચલણથી બચવા માટે હેલ્મેટ પહેરે છે પણ તેની સ્ટ્રીપ્સ લોક કરતા નથી, જેના કારણે અકસ્માતના કિસ્સામાં હેલ્મેટ બહાર આવવાની શક્યતા વધી જાય છે. આ જોતા હેલમેટ પહેરવા સિવાય ટ્રાફિક પોલીસ તેની પટ્ટીઓ લોક કરવા માટે પણ કડક કાર્યવાહી કરી રહી છે. ટ્રાફિકના નિયમો અનુસાર, જો આમ ન કરનાર વ્યક્તિ પકડાય તો તેનું 2000 રૂપિયાનું ચલણ કાપી શકાય છે.

બાળકોના બેસવા માટે આ છે નિયમ 
ભૂતકાળમાં કેન્દ્રીય માર્ગ પરિવહન મંત્રાલયે પણ બાળકોની સુરક્ષાને ધ્યાનમાં રાખીને કેટલાક નિયમોમાં ફેરફાર કર્યા હતા. આ નિયમો અનુસાર-
હવે બાળકોને ટુ-વ્હીલર પર લઈ જતી વખતે તેમના માટે ખાસ હેલ્મેટ અને હાર્નેસ બેલ્ટનો ઉપયોગ કરવો ફરજિયાત રહેશે.
આ સાથે બાળકો સાથે મુસાફરી કરવા માટે વાહનોની સ્પીડ 40 કિમી પ્રતિ કલાક નક્કી કરવામાં આવી છે.
આ નિયમોનું પાલન ન કરવા પર, 1,000 રૂપિયાના દંડની સાથે, ડ્રાઇવરનું ડ્રાઇવિંગ લાઇસન્સ 3 મહિના માટે સસ્પેન્ડ કરવામાં આવી શકે છે.

મોટર વાહન અધિનિયમમાં ઉલ્લેખિત નિયમ 194D જણાવે છે કે જો કોઈ વ્યક્તિ હેલ્મેટ પહેર્યા વિના ટુ-વ્હીલર ચલાવતો પકડાય છે, તો તેને 1000 રૂપિયાનો દંડ કરવામાં આવશે. આ સાથે, BIS માર્ક વિના હેલ્મેટ પહેરવા માટે 1,000 રૂપિયાનું ચલણ ચૂકવવું પડશે અને જો કોઈ વ્યક્તિ હેલ્મેટ પહેરે છે પરંતુ તેની સ્ટ્રીપ લોક ન કરે તો 2,000 રૂપિયાના દંડની જોગવાઈ છે.