વિશ્વ યોગ દિવસ / મહેસાણા જિલ્લામાં 21 જૂને થશે યોગ દિવસની ઉજવણી, જિલ્લા કક્ષાનો કાર્યક્રમ મોઢેરા સૂર્ય મંદિર ખાતે યોજાશે

21 જૂને મહેસાણા જિલ્લામાં થશે યોગ દિવસની ઉજવણી
10 તાલુકા કક્ષાએ થશે યોગ, દૂધસાગર ડેરી પ્રયોજક સંસ્થા  
મોઢેરા ખાતે આરોગ્ય મંત્રી આપશે હાજરી

આગામી 21 જૂને વિશ્વ યોગ દિવસને લઈ મહેસાણા જિલ્લામાં ઉજવણી કરવામાં આવશે. જેમાં 10 તાલુકા કક્ષાએ 7 નગરપાલિકામાં યોગ દિવસની ઉજવણી કરવામાં આવશે. જેમાં જિલ્લા કક્ષાનો કાર્યક્રમ મોઢેરા સૂર્ય મંદિર ખાતે થશે. મહેસાણા જિલ્લામાં 2638 સ્થળે અને જિલ્લામાં 5.5 લાખ લોકો યોગ કરશે. દૂધસાગર ડેરી પ્રયોજક સંસ્થા છે
 
મહેસાણા કલેક્ટરે આજે વિશ્વ યોગ દિવસની ઉજવણીને લઈ પત્રકાર પરિષદ સંબોધી હતી. જેમાં તેમણે જણાવ્યું હતુ કે, મહેસાણા જિલ્લાના 1644 શૈક્ષણિક સંકુલમાં યોગ થશે. આ સાથે દરેક PHC અને CHCમાં અને પોલીસ હેડ ક્વાટર્સ ખાતે યોગ કાર્યક્રમ યોજાશે. 

શું કહ્યું મહેસાણા કલેક્ટરે ? 

મહેસાણા કલેક્ટર ઉદિત અગ્રવાલે જણાવ્યું હતું કે, જિલ્લામાં 5 લાખ જેટલા લોકો 2638 જગ્યા પર યોગ કરશે. મોઢેરા ખાતે કાર્યક્રમમાં આરોગ્ય મંત્રી ઋષિકેશ પટેલ હાજરી આપશે. જિલ્લા કક્ષાની ઉજવણીને લઈ 2400 જેટલા ખેડૂત મોઢેરા આવશે. 

સમગ્ર કાર્યક્રમના પ્રયોજન તરીકે દૂધસાગર ડેરી

આ સમગ્ર કાર્યક્રમના પ્રયોજન તરીકે મહેસાણા દૂધસાગર ડેરી છે. દૂધસાગર ડેરી નાણાકીય ફંડ નેશનલ ડેરી ડેવલપમેન્ટ બોર્ડ આપશે. ઉલ્લેખનીય છે કે,  2400 જેટલા ખેડૂત મોઢેરા આવશે. જેની સાથે-સાથે ડેરીના 200 જેટલા કર્મી પણ મોઢેરા યોગ કરશે. જિલ્લામાં અન્ય સ્થળે અદાણી ફાઉન્ડેશન દ્વારા યોગ થશે. 

નોંધનીય છે કે, 21 જૂન વિશ્વ યોગ દિવસ તરીકે ઉજવાય છે. ગુજરાતના મહેસાણા જિલ્લામાં પણ 21 જૂને યોગ દિવસની ઉજવણી થવાની છે. જિલ્લાના વિવિધ સ્થળે યોગના કાર્યક્રમો યોજવામાં આવશે. જિલ્લામાં 10 તાલુકા કક્ષાએ 7 નગરપાલિકામાં યોગના અલગ-અલગ કાર્યક્રમ થવાના છે. જિલ્લા કક્ષાના કાર્યક્રમો મોઢેરા સૂર્ય મંદિર ખાતે યોજાશે.