કર્ણાટકમાં ભલે રાજકીય સંકટ ચાલી રહ્યું હોય પણ ભાજપના પ્રદેશ અધ્ય7 અને પૂર્વ સીએમ બીએસ યેદિયુરપ્પા તો સાવ અલગ જ અંદાજમાં જોવા મળ્યા. કોઈ પણ જાતની ચિંતા વગર યેદિયુરપ્પા પોતાના ધારાસભ્યો સાથે ક્રિકેટ મેચ રમતા નજરે પડ્યા.
બેંગાલુરૂની રામાડા હોટલમાં યેદિયુરપ્પા પોતાના ધારાસભ્યો સાથે ક્રિકેટ રમતા જોવા મળ્યા અને તેઓએ બેટ પર પોતાનો હાથ પણ અજમાવ્યો. આ દરમિયાન પાર્ટીના કેટલાક વરિષ્ઠ નેતાઓ પણ હાજર હતા. મહત્વનું છે કે, કર્ણાટકમાં છેલ્લા 12 દિવસથી રાજકીય નાટક જોવા મળી રહ્યું છે. બળવાખોર ધારાસભ્યોના રાજીનામા અંગે સુપ્રીમ કોર્ટ આજે ચુકાદો આપશે. CJI રંજન ગોગોઈની અધ્યક્ષતાવાળી પીઠ ચુકાદો આપશે.
કર્ણાટકમાં છેલ્લા 12 દિવસથી રાજકીય સંકટ ચાલી રહ્યું છે. મંગળવારે આ અંગે સુપ્રીમ કોર્ટમાં સુનાવણી પણ હાથ ધરવામાં આવી. ચીફ જસ્ટીસે જણાવ્યું કે વિધાનસભા સ્પીકરને શું કરવું એ સુપ્રીમ કોર્ટ નક્કી નહીં કરે. સુપ્રીમ કોર્ટમાં આજરોજ ચુકાદો આવશે.
18 જુલાઇના રોજ વિધાનસભામાં મતદાન
કર્ણાટકમાં 18 જૂલાઇના રોજ વિધાનસભામાં અવિશ્વાસ પ્રસ્તાવ પર મતદાન યોજાશે. મુખ્યમંત્રી એચડી કુમારસ્વામીએ દાવો કર્યો છે કે તેમની પાસે બહુમત છે. 224 બેઠકવાળી વિધાનસભામાં અત્યારે કોંગ્રેસ-જેડીએસ પાસે 100 (જો ધારાસભ્યોનું રાજીનામું સ્વીકારવામાં આવે તો), જ્યારે ભાજપ પાસે 105+ ઘારાસભ્યો છે.
મુંબઇના રિસોર્ટમાં રોકાયા છે બળવાખોર ધારાસભ્યો
મુંબઇના રિસોર્ટમાં રોકાયેલા કર્ણાટકના બળવાખોર ધારાસભ્યોની સુરક્ષામાં વધારો કરવામાં આવ્યો છે. હોટલમાં રોકાયેલા બધા ધારાસભ્યો હવે ઉપરના ફલોરમાં જતાં રહ્યાં છે.
Karnataka: BJP Karnataka President, BS Yeddyurappa played cricket with BJP MLAs at Ramada hotel in Bengaluru, earlier today. pic.twitter.com/BY6eYaU4o7