નિવેદન / પૂર્વ નાણામંત્રી ભડક્યા, કહ્યું - પેટ્રોલ-ડીઝલના ભાવને લઈને આવો વધારો તો કોઈ દેશ સહન ન કરી શકે, આપણે તો...

• પેટ્રોલ અને ડીઝલના ભાવવધારા મુદ્દે યશવંત સિંહાનું ટ્વિટ
• પેટ્રોલ અને ડીઝલના ભાવવધારા મુદ્દે કેન્દ્રની ખોલી પોલ 
• કહ્યું કોઈ દેશે આવો ગેરવ્યાજબી ભાવ સહન કર્યો નથી
• સિંહાએ કહ્યું કે શું આ ઉઘાડી લૂંટ નથી

યશવંત સિંહાએ કહ્યું કે આપણે મરેલા લોકોનો દેશ છીએ. પેટ્રોલ, ડીઝલ અને એલપીજીનો રોજનો અને અત્યંત ગેરવ્યાજબી ભાવવધારો વિશ્વામાં ક્યાંય પણ નથી કે કોઈ દેશે આવો ગેરવ્યાજબી ભાવ સહન કર્યો નથી. જો સરકાર 2014 માં ટેક્સ તરીકે 75,000 કરોડ રુપિયા રળતી હોય તો આજે તે પેટ્રોલ અને ડીઝલ પરના ટેક્સ તરીકે 3.50 લાખ કરોડની આવક મેળવી રહી છે. સિંહાએ કહ્યું કે શું આ ઉઘાડી લૂંટ નથી. 

We are a country of dead people. Nowhere else would people have tolerated the daily and unjustified rise in petrol, diesel and lpg prices. If the govt collected Rs 75,000 cr in taxes in 2014, it is today collecting 3.50 lakh cr. Isn't it daylight robbery?

— Yashwant Sinha (@YashwantSinha) October 17, 2021

દેશમાં આસમાને આંબી રહેલા પેટ્રોલ અને ડીઝલના ભાવની નીચે લાવવા માટે કેન્દ્ર સરકારે કમર કસી હોવાનું જાણવા મળ્યું છે. આગામી દિવસોમાં લોકોને રાહત મળે તેવી પૂરી સંભાવના છે. સૂત્રોએ જણાવ્યું કે કેન્દ્ર અને રાજ્ય સરકારો બન્નેએ ભાવઘટાડો કરવો જોઈએ. 

સરકારી સૂત્રોએ જણાવ્યું કે પેટ્રોલિયમ મિનિસ્ટ્રી ઓઈલ ઉત્પાદક દેશો સાથે મંત્રણા કરી રહી છે. સરકાર સાઉદી અરબથી માંડીને રશિયાનો સંપર્ક સાધી રહી છે. તેમણે કહ્યું કે આગામી ત્રણ મહિના સુધી ગ્લોબલ ઓઈલના ભાવ બેરલ દીઠ 70 ડોલરર રહેવા જોઈએ. 

જોકે પેટ્રોલ અને ડીઝલને જીએસટી હેઠળ લાવવાનો સરકારનો કોઈ પ્લાન નથી પરંતુ આગામી સમયમાં ગમે ત્યારે સરકાર પેટ્રોલ-ડીઝલના ભાવ ઘટાડી શકે છે. 

સરકાર 5 થી 10 રુપિયાની રાહત આપે તેવી સંભાવના 
સૂત્રોના જણાવ્યાનુસાર કેન્દ્ર સરકાર પેટ્રોલ અને ડીઝલના ભાવમાં 5 થી 10 રુપિયાનો ઘટાડો કરે તેવી સંભાવના છે. પેટ્રોલ અને ડીઝલના ભાવવધારા મુદ્દે પૂર્વ નાણા મંત્રી અને એક વખતના ભાજપના દિગ્ગજ નેતા યશવંત સિંહાએ મોદી સરકારને બરાબરની અડફેટે લેતું ટ્વિટ કર્યું છે.