જરૂરી વાત / ક્યાંક તમારા આધારકાર્ડથી તો નથી લેવામાં આવ્યાને ખોટા નંબરો? આ રીતે કરી લો ચેક

• આ રીતે કરો રિક્વેસ્ટ 
• અહીં જાણો તમારા આધારથી કેટલા સીમ લેવામાં આવ્યા છે
• સીમ બંધ કરવા માટે પણ આ રીતે કરો રિક્વેસ્ટ 

થોડા સમય પહેલા ડિપાર્ટમેન્ટ ઓફ ટેલિકોમ્યુનિકેશન્સે એક વેબ પોર્ટલ લોન્ચ કર્યું હતું. આથી યુઝર્સ ચેક કરી શકે કે તેમના નામથી કેટલા મોબાઈલ કનેક્શન આપવામાં આવ્યાં છે. આ માટે TAFCOP પોર્ટલનો ઉપયોગ કરી શકાય છે. આ પોર્ટલથી જોઈ શકાય છે કે એક આધારકાર્ડ પર કેટલાં સિમ લેવામાં આવ્યાં છે. 

પોર્ટલની મદદથી જાણો 
ડીઓટી (ડિપાર્ટમેન્ટ ઓફ ટેલિકોમ્યુનિકેશન) ગાઈડલાઈન્સ મુજબ એક આધારકાર્ડથી નવ મોબાઈલ કનેક્શન લઈ શકાય છે. આ પોર્ટલની મદદથી યુઝર્સને લાગે છે કે કોઈ ખોટા નંબર તેમના આધારકાર્ડથી લેવામાં આવ્યાં છે, તો તેને બંધ કરવા સુધીની વિનંતી પણ પોર્ટલની મદદથી કરી શકે છે. 

મોબાઈલ નંબર આપવો પડશે
તમારા આધારકાર્ડથી કેટલાં સિમ લેવામાં આવ્યાં છે. આ માટે સૌથી પહેલા તમારે TAFCOPની વેબસાઈટ પર જાવું પડશે. TAFCOPની વેબસાઈટને તમે https://tafcop.dgtelecom.gov.in પર એક્સેસ કરી શકો છો. વેબસાઈટ ઓપન થયા બાદ તમને અહીં મોબાઈલ નંબર આપવો પડશે અને ઓટીપી માટે રિક્વેસ્ટ કરવી પડશે.

તમને ડીઓટી તરફથી એક ઓટીપી મળશે. આનાથી તમે પોતાના સાઈન ઈન વેલિડેટ કરાવી શકો છો. વેલિડેટ થઈ ગયા બાદ આધારકાર્ડથી લિંક્ડ તમામ મોબાઈલ નંબરના લિસ્ટનું પોર્ટલ તમને દેખાશે. જો નંબર વપરાશમાં ન હોય તો તેને બંધ કરવાની રિક્વેસ્ટ તમે આ પોર્ટલ થકી કરી શકો છો.