કોરોના સંકટમાં અચાનક જ પૈસાની જરૂરી પડી જતાં ઘણાં લોકોને ભારે મુસીબતોનો સામનો કરવો પડ્યો છે. એવામાં તમને જાણીને આનંદ થશે કે એલઆઈસી પોલિસીના બદલે લોન આપે છે.
એલઆઈસીની પોલિસી ધારકો માટે સારાં સમાચાર
પૈસાની જરૂર પડી જાય તો એલઆઈસી આપશે લોન
ઓછાં વ્યાજદરે આ રીતે મેળવો લોન
LIC તેની પોલિસીના બદલે પર્સનલ લોન આપે છે. આ લોન યાત્રા, ઉચ્ચ શિક્ષણ, મેડિકલ ઈમરજન્સી, લગ્ન, ઘરનું રિનોવેશન જેવા ખર્ચ માટે લઈ શકાય છે. પોલિસીને બદલે આ એક સિક્યોર લોન છે જ્યાં વીમા પોલિસીને સિક્યોરિટી તરીકે રાખવામાં આવે છે. જો તમે લોન ભરી નહીં શકો તો પોલિસીની મેચ્યોરિટી અથવા ક્લેમની રકમથી તેની ભરપાઈ કરવામમાં આવશે.
તમે એલઆઈસીની ઈ-સર્વિસ દ્વારા જાણી શકો છો કે તમને કેટલી લોન મળી શકે છે. આ સુરક્ષિત લોન છે, કારણ કે આમાં તમારા પોલિસીના ડોક્યૂમેન્ટ જામીન તરીકે રાખવામાં આવે છે. લોનની ન્યૂનતમ અવધિ 6 મહિનાની હોય છે, પરંતુ તેને સંપૂર્ણ મેચ્યોરિટી અવધિ સુધી ચૂકવી શકાય છે. સાથે જ એલઆઈસી એવી પણ સુવિધા આપે છે કે તમે માત્ર વ્યાજ ચૂકવો અને પછી મેચ્યોરિટી પર પોલિસીની રકમમાંથી પૈસા કાપવામાં આવે. આ એન્ડોમેન્ટ પ્લાન, ઈન્કમ પ્લાન અને યૂનિટ લિંક્ડ પ્લાન પર જ મળે છે. જેની સરેન્ડર વેલ્યૂ હોય છે. આ ટર્મ પ્લાન પર મળતી નથી.
LIC પોલિસી પર લોન વ્યાજદર
LICનું વ્યાજદર ઓછું હોય છે. હાલ 10.5 ટકા વ્યાજ લે છે. જે માર્કેટમાં મળતી બેંક લોન અને અન્ય સંસ્થાઓ દ્વારા મળતી લોનની તુલનામાં ઓછું છે. LIC માત્ર પોલિસીના સરેન્ડર મૂલ્યના 90 ટકા સુધી લોન આપે છે. કેટલીક પેડ અપ યોજનાઓના કિસ્સામાં આ લિમિટ 85 ટકા છે. બંને કિસ્સાઓમાં આ સિક્યોરિટી માટે યુઝ કરવામાં આવે છે.
આ ડોક્યૂમેન્ટ્સ જોઈએ
એલઆઈસીથી લોન લેવા માટે તમારે આધાર કાર્ડ, વોટર આઈડી, પાસપોર્ટ અને રેસિડેન્શિયલ પ્રૂફ જોઈએ. આવક પ્રમાણ તરીકે સેલરી સ્લિપ, બેંક સ્ટેટમેન્ટ આપવું પડી શકે છે. જે એકાઉન્ટમાં લોન જોઈએ તેનો એક કેન્સલ ચેક આપવો પડે છે. આ સિવાય લોન લેવા પર પોલિસી ડોક્યૂમેન્ટ LICને સોંપવું પડે છે.
આ શરતો હોય છે
LICની લોન લેવા માટે અરજદારની ઉંમર 18 વર્ષ હોવી જોઈએ. તેની પાસે LICની માન્ય પોલિસી હોવી જોઈએ. ઓછામાં ઓછું 3 વર્ષ સુધી LIC પ્રીમિયમની ચૂકવી કરેલી હોવી જોઈએ.
આ રીતે લોન માટે કરો અરજી
તમે ઓનલાઈન અથવા ઓફલાઈન રીતે LIC પોલિસી બદલે લોનની અરજી કરી શકો છો. તેના માટે LIC ઓફિસ જાઓ અને કેવાયસી દસ્તાવેજો સાથે લોન માટે ફોર્મ ભરો અને મૂળ પોલિસીના દસ્તાવેજ જમા કરો. જો તમે ઈ-સેવાઓ માટે રજિસ્ટર કરાવ્યું છે તો તમે ઓનલાઈન એકાઉન્ટ પણ લોગિન કરી શકો છો અને અરજી કરી શકો છો.