યુક્રેન યુદ્ધની સૌથી ખરાબ અસર સમગ્ર દુનિયા પર દેખાવાની છે અને યુનાઈટેડ નેશંસે કહ્યું છે કે, હવે સમગ્ર દુનિયા પાસે ફક્ત 10 અઠવાડીયા એટલે કે, 70 દિવસના ઘઉં બચ્યા છે.
રશિયા યુક્રેન યુદ્ધ બાદ માઠી અસર દેખાઈ
વિશ્વમાં ખાદ્ય સંકટના ભણકારા
ખાલી 70 દિવસ ચાલે તેટલા જ ઘઉંનો સ્ટોક
યુક્રેન યુદ્ધની સૌથી ખરાબ અસર સમગ્ર દુનિયા પર દેખાવાની છે અને યુનાઈટેડ નેશંસે કહ્યું છે કે, હવે સમગ્ર દુનિયા પાસે ફક્ત 10 અઠવાડીયા એટલે કે, 70 દિવસના ઘઉં બચ્યા છે. ત્યારે આવા સમયે સમગ્ર દુનિયામાં મહાસંકટમાં ફસાયેલુ છે. ખાસ કરીને યુરોપિય દેશોની હાલત અત્યંત ખરાબ થઈ ચુકી છે. કૃષિ નિષ્ણાંત ફર્મ ગ્રો ઈંટેલિજેંસના સીઈઓ સારા મેનકરે સંયુક્ત રાષ્ટ્ર સુરક્ષા પરિષદને જણાવ્યું હતું કે, રશિયા-યુક્રેન યુદ્ધ શરૂઆતમાં ખાદ્ય સુરક્ષા સંકટનું કારણ નહોતું, પણ હવે આ આગમાં ઈંધણ ભળ્યું છે, જે લાંબા સમય સુધી ચાલશે.
ખાદ્ય સંકટમાં ફસાઈ દુનિયા
યુક્રેનને દુનિયાના બ્રેડબાસ્કેટ એટલે કે, રોટલીની ટોકરી કહેવાય છે. કારણ કે, સમગ્ર દુનિયામાં સૌથી વધારે ઘઉંનું ઉત્પાદન યુક્રેન કરે છે અને યુક્રેન બાદ સમગ્ર દુનિયામાં સૌથી વધારે ઘઉંનું ઉત્પાદન રશિયામાં થાય છે. જ્યારે ત્રીજા નંબર પર ભારત છે. ભારત માટે તકલીફ એ છે કે, ભારતે પોતાના મોટા ભાગના ઘઉં પોતાના જ દેશમાં વપરાય જાય છે. કારણ ભારતની વસ્તી યુક્રેન અને રશિયા કરતા કેટલાય ગણી વધારે છે. તો વળી અત્યાર સુધી રશિયા અને યુક્રેન, સંયુક્ત રીતે દુનિયાના ઘઉંની નિકાસનો લગભગ 1/3 ભાગ ઉત્પાદન કરતા હતા. પણ યુદ્ધ શરૂ થયા બાદ સ્થિતિ ઘણી બદલાઈ ગઈ. આ અગાઉ વર્ષ 2008માં આવું થયું હતું, જ્યારે દુનિયા પાસે ઘઉંનો સ્ટોક સૌથી નીચલા સ્તર પર પહોંચી ગયો હતો, પણ તે સમયે વાત યુદ્ધની નહોતી અને દુનિયામાં ભાગલા નહોતા પડ્યા. પણ હાલમાં સ્થિતિ અલગ થઈ ચુકી છે અને અમેરિકા તેના માટે રશિયાને જવાબદાર ઠેરવી રહ્યું છે.
ફક્ત 70 દિવસ ચાલે તેટલા ઘઉં બચ્યા
ગ્રો ઈંટેલિજેંસના સીઈઓ સારા મેનકરે યુનાઈટેડ નેશંસ સિક્યોરિટી કાઉંસિલમાં કહ્યું કે, દુનિયાભરમાં જળવાયુ પરિવર્તનના કારણે દુષ્કાળ જેવી સ્થિતિ બનેલી છે. જેની અસર ઘઉં ઉત્પાદન પર પડી છે. મેનકરે કહ્યું કે, જળવાયુ પરિવર્તન અને ખાતરની કમીથી વૈશ્વિક ખાદ્ય સપ્લાઈ પણ પ્રભાવિત થઈ રહી છે. તેમણે કહ્યું કે, હાલમાં આપણી પાસે દુનિયાભરમાં ફક્ત 10 અઠવાડીયની વૈશ્વિક સપ્લાઈ છે. આજની સ્થિતિ 2007 અને 2008થી ઘણી અલગ અને ભયંકર છે. મેનકરે કહ્યું કે, દુનિયાભરની સત્તાવાર સરકારી એજન્સીઓના અનુમાનથી જાણવા મળે છે કે, ઘઉંની યાદી વાર્ષિક સપ્લાઈ 33 ટકા છે. પણ ગ્રો ઈંટેલિજેંસ દ્વારા બનાવામાં આવેલા મોડલથી જાણવા મળે છે કે ,આ આંકડો હકીકતમાં 20 ટકા જ છે. આ એક એવો પડાવ છે જે 2007-08 બાદ જોવા મળ્યો નથી.