કોરોના વાયરસની રસી શોધવા માટે વિશ્વના અનેક દેશોમાં હોડ લાગેલી છે. વાયરસના કારણે જ્યાં એક તરફ સતત કેસમાં વધારો થઇ રહ્યો છે ત્યાં બીજી તરફ વેક્સીનના ટ્રાયલમાં પણ વધારો થઇ રહ્યો છે ત્યારે રશિયા આ રેસમાં જીતી જવાના દાવા કરી રહ્યું છે. રશિયામાં વિશ્વની પહેલી વેક્સીનની નોંધણી થવા જઈ રહી છે જ્યારે WHOએ કહ્યું છે કે આમાં કશું ઓફિશિયલ નથી.
રશિયા અનુસાર રસીની રાહ ખતમ
12 ઓગસ્ટે પહેલી રસી થઇ જશે રજીસ્ટર
WHOએ કહ્યું આધિકારીક જાણકારી નથી
કોરોના વાયરસના કારણે આખી દુનિયા અત્યારે વેક્સીનની રાહ જોઈ રહી છે. વિશ્વ કોરોના વાયરસથી લડી રહ્યું છે અને કોરોના વાયરસને ટક્કર આપવા માટે વેક્સીનને લઈને વિશ્વભરમાં યુદ્ધસ્તરે કામ ચાલી રહ્યું છે. પરંતુ લાગી રહ્યું છે રસીની રાહ હવે પુરી થઇ ગઈ છે. રશિયામાં આ જ સપ્તાહમાં દુનિયાની પહેલી કોરોના વાયરસ વેક્સીન રજીસ્ટર કરવાની તૈયારી છે.
રશિયાના ઉપસ્વાસ્થ્યમંત્રીએ કહ્યું કે 12 ઓગસ્ટના રોજ પહેલી વેક્સીનને રજીસ્ટર કરી દેવામાં આવશે. તેમણે કહ્યું કે કોરોના રસી ટ્રાયલનો ત્રીજો અને અંતિમ તબક્કો ચાલી રહ્યો છે. પરીક્ષણ ખૂબ જ મહત્વપૂર્ણ છે. તબીબોઅને વરિષ્ઠ નાગરિકોને સૌથી પહેલા રસી આપવામાં આવશે.
નોંધનીય છે કે થોડા દિવસ પહેલા સ્વાસ્થ્યમંત્રીએ કહ્યું હતું કે રશિયામાં મોટા પ્રમાણ પર રસીકરણ કાર્યક્રમની શરૂઆત ઓક્ટોબરમાં કરવામાં આવશે પણ હવે તેમના ઉપસ્વાસ્થ્યમંત્રી અનુસાર આ કાર્યક્રમાં ખૂબ જલ્દી કરી દેવામાં આવશે.
જોકે આ બધા મુદ્દે વિશ્વ સ્વાસ્થ્ય સંગઠને કહ્યું છે કે તે આ મુદ્દે સાવધાન છે અને આ વિષય પર કોઈ આધિકારિક સમાચાર નથી મળી રહ્યા. તેમણે વધુમાં કહ્યું કે જ્યારે આવા કોઈ અહેવાલો આવતા હોય ત્યારે આપણે હંમેશા સાવચેત રહેવું જોઈએ. WHOનું કહેવું છે કે આ મુદ્દા પર કોઈ જ ઓફિશિયલ જાણકારી નથી મળી. અને જો આ મુદ્દે કોઈ આધિકારિક જાણકારી હશે તો યુરોપના અધિકારીઓ તેની જરૂર તપાસ કરશે.