ભારતની સ્ટાર જેવલીન થ્રોઅર અનુ રાની વર્લ્ડ મેડલ એથલીટીક્સ ચૅમ્પિયનના ફાઇનલમાં મેડલ ચૂકી ગઈ છે. અનુ પાસે મેડલ જીતીને ભારતને ગર્વ અપાવવાનો એક ગોલ્ડન ચાન્સ હતો પણ આ મોકો અનુ ઝડપી ન શકી. વર્લ્ડ ચેમ્પિયનશીપમાં ત્રીજી વખત ભાગ લેતી અનુ લગાતાર બીજી વખત વર્લ્ડ એથલેટીક્સ ચેમ્પિયનશીપના ફાઈનલ માટે ક્વોલીફાઈ થઇ હતી. વર્ષ 2019માં પણ તે 61.12 મીટરના થ્રો સાથે ફાઇનલમાં આઠમા નંબરે આવે હતી.
અનુ રાનીના છ પ્રયાસોમાં એમનો બીજો પ્રયાસ સૌથી શ્રેષ્ઠ રહ્યો હતો. એમના બીજા પ્રયાસમાં એમને 61.12 મીટર દૂર જેવલીન થ્રો કર્યું હતું. જો આ પ્રયાસ એમને મેડલ અપાવવા માટે પૂરતો નહતો. અનુ રાનીએ ગુરુવારે 59.60 મીટરના થ્રો સાથે વર્લ્ડ એથલેટીક્સ ચેમ્પિયનશીપના ફાઈનલ માટે ક્વોલીફાઈ કર્યું હતું. એ ગ્રુપ બી ક્વોલિફિકેશનમાં પાંચમા સ્થાને અને બંને ગ્રૂપમાં આઠમા સ્થાને હતી. આ સાથે જ મેડલ જીતવાના પ્રયાસ સાથે એમને જેવલીન થ્રો કર્યું હતું પણ જીતી ન શકી. જો કે આજ સુધી ભારતમાં મહિલા જેવલીન થ્રોમાં કરવામાં આવેલ આ એમનું શ્રેષ્ઠ જેવલીન થ્રો છે.
The Best-ever performance by indian women's Javelin thrower.
— sports apna l Indian Sports🇮🇳 (@sportsapna1) July 23, 2022
આ ઇવેંટમાં ગોલ્ડ ઓસ્ટ્રેલીયાની કેલ્સી 66.91 મીટર થ્રો કરીને તેના નામે કરી ગઈ છે. સાથે જ બીજા નંબર પર અમેરિકાની કારા વીંગર રહી જેને 64.05 મીટરનો થ્રો કર્યો છે. ત્રીજા નંબર પર જાપાનની હારુકા રહી હતી જેને 63.27 મીટર દૂર થ્રો કર્યો હતો. અનુ જો તેનું પર્સનલ બેસ્ટ પ્રદશન કરતી તો પણ આજે ભારત પાસે બ્રોન્ઝમેડલ હોત. આ વર્ષે અનુએ મે મહિના માં તેનો પોતાનો જ નેશનલ રેકોર્ડ તોડતાની સાથે 63.82 મીટર દૂર જેવલીન થ્રો કર્યો હતો.