ઓસ્ટ્રેલિયાના સિડની ક્રિકેટ ગ્રાઉન્ડ પર રમાયેલી સેમિફાઇનલ મેચ વરસાદના કારણે રદ થઈ ગઈ છે. જ્યારે ટીમ ઈન્ડિયા પ્રથમ વખત ટી 20 વર્લ્ડ કપની ફાઈનલમાં પહોંચી ગઈ છે. ગુરુવારે ભારતીય મહિલા ક્રિકેટ ટીમ સિડની ક્રિકેટ ગ્રાઉન્ડ (એસસીજી) ખાતે યોજાનારા આઇસીસી મહિલા ટી-20 વર્લ્ડ કપની પ્રથમ સેમિફાઇનલમાં ઇંગ્લેન્ડ સામે રમવા માટે તૈયાર હતી, પરંતુ વરસાદને કારણે મેચ રદ કરવામાં આવી છે. આ સાથે જ ટીમ ઇન્ડિયાને તેમના ગ્રુપના પોઇન્ટ ટેબલમાં ટોપ પર હોવાનો ફાયદો મળ્યો અને ફાઈનલની ટિકિટ મળી ગઈ છે.
ટીમ ઈન્ડિયા પ્રથમ વખત ટી 20 વર્લ્ડ કપની ફાઈનલમાં પહોંચી
સિડની ક્રિકેટ ગ્રાઉન્ડ પર રમાયેલી સેમિફાઇનલ મેચ વરસાદના કારણે રદ થઈ
ટીમ ઇન્ડિયાને તેમના ગ્રુપના પોઇન્ટ ટેબલમાં ટોપ પર હોવાનો ફાયદો મળ્યો
તમને જણાવી દઈએ કે, આઇસીસીના નિયમો અનુસાર મેચમાં નિર્ણય માટે 10-10 ઓવરની મેચ હોવી ફરજિયાત હતી, પરંતુ આઈસીસીએ વરસાદ રોકાવાની શક્યતાઓ નહીવત્ જણાતા સેમિફાઇનલ મેચ રદ કરી દીધી હતી. સાથે જ ટીમ ઈન્ડિયા ફાઇનલમાં પહોંચવાની પણ જાહેરાત કરી હતી.
આંતરરાષ્ટ્રીય ક્રિકેટ કાઉન્સિલ (આઈસીસી)એ વિમેન્સ ટી-20 વર્લ્ડ કપમાં સેમિફાઇનલ માટે ક્રિકેટ ઓસ્ટ્રેલિયાની રિઝર્વ ડે રાખવાની વિનંતીને નકારી દીધી હતી. આઈસીસી મહિલા ટી 20 વર્લ્ડ કપમાં ગુરુવારે બે સેમિફાઇનલ મેચ રમવામાં આવી હતી. પ્રથમ સેમિફાઇનલમાં ભારતીય મહિલા ક્રિકેટ ટીમનો મુકાબલો ઈંગ્લેન્ડ સાથે થવાનો હતો જ્યારે બીજી સેમિફાઇનલમાં યજમાન ટીમ ઓસ્ટ્રેલિયાનો સામનો દક્ષિણ આફ્રિકા સાથે થશે.
ગુરુવારે બીજી સેમિફાઇનલ મેચ દરમિયાન વરસાદ થવાની સંભાવના છે અને જો બીજી સેમિફાઇનલ મેચ વરસાદને કારણે રદ કરવામાં આવે તો ઇંગ્લેન્ડ તેમજ ઓસ્ટ્રેલિયની ટીમ પણ આઉટ થઈ જશે. આવી સ્થિતિમાં ભારત અને દક્ષિણ આફ્રિકા પોતપોતાના ગ્રુપમાં ટોપનું સ્થાન મેળવનાર બંને ટીમ ફાઈનલમાં ટક્કર થશે.
☔ India v England weather update
To complete a 10 over a side match, the toss must be held by 4.36pm local time, and play must commence by 4.51pm local time.
ભારતીય ટીમ ગ્રુપ-એમાં ચારેય મેચ 8 પોઇન્ટ સાથે જીતીને ટોપ પર છે અને તેને પ્રથમ સેમિફાઇનલ રદ કરવાનો ફાયદો મળ્યો છે. જેના કારણે ટીમ સીધી ફાઈનલમાં પહોંચી ગઈ છે.
🏴 : "We'll take confidence from the fact that we've had a lot of success against them in knockout games."
🇮🇳 : "After losing the last semi-final, we realised we have to work as a unit."
ટૂર્નામેન્ટમાં અત્યાર સુધી ભારતીય ટીમના ઓપનર શેફાલી વર્મા કમાલની બેટિંગ કરી રહી છે અને તેણે છેલ્લા ચાર મેચમાં અત્યાર સુધીમાં 161 રન બનાવ્યા છે. સૌથી વધુ રન બનાવનાર બેટ્સમેનોની યાદીમાં 16 વર્ષની શેફાલી ત્રીજા સ્થાને છે.
શેફાલીને અત્યારે દીપ્તિ શર્મા અને જેમ્મિહ રોડ્રિગેઝનો સારો સપોર્ટ મળી રહ્યો છે. મધ્યમ ક્રમમાં, વેદ કૃષ્ણમૂર્તિએ ફરી ફોર્મ હાંસલ કર્યું છે. જ્યારે શિખા પાંડે અને રાધા યાદવે પણ છેલ્લી મેચમાં 23 બોલમાં 28 રનની ભાગીદારી કરી ભારતને 133 રનના સન્માનજનક સ્કોર સુધી પહોંચાડ્યું હતું.
જો ભારતે ફાઇનલ પર વિજય મેળવવો હોય તો તે માટે પ્રથમ 6 ઓવર ખૂબ મહત્વની રહેશે. જો ભારતે પ્રથમ વખત ફાઇનલ જીતવું હોય તો તેની કપ્તાન હરમનપ્રીત કૌર અને સ્મૃતિ મંધાનાને લાંબા સમય સુધી ક્રિઝ પર રહેવું પડશે. પૂનમ યાદવ શાનદાર બોલિંગ કરી રહી છે અને તેણે ટૂર્નામેન્ટમાં અત્યાર સુધીમાં 9 વિકેટ ઝડપી છે. ફાઈનલ માટે 50,000 ટિકિટ વેચી દેવામાં આવી છે.