સુરત / સુરતની કાળજુ કંપી ઉઠે તેવી ઘટના :17 કલાક મહિલા પતિના મૃતદેહ પાસે બેસી રહી, કોઈએ મદદ ન કરી

• 17 કલાક સુધી પત્ની પતિના મૃતદેહ પાસે બેસી રહી 
• મહિલાની મદદ માટે કોઈ આગળ ન આવ્યું 
• અંતે સામાજિક સંસ્થાઓએ મહિલાની મદદ કરી

સુરતમાં  ભલભલાનું કાળજું કંપી જાય તેવો બનાવ સામે આવ્યો છે. અહીયા એક મહિલાના પતિના મોત બાદ તેની પાસે રૂપિયા ન હતા. જેથી પત્ની મદદ માટે માંગ કરી રહી હતી...17 કલાક સુધી મહિલા તેના પતિના મૃતદેહ પાસે બેસી રહી હતી. અંતે સામાજિક સંસ્થાઓ તેની મદદ માટે આગળ આવી.

ડૉક્ટરો પણ ચોંકી ગયા હતા

શહેરના ઉના પાટિયા વિસ્તારમાં રહેતી મહિલાના પતિનું મૃત્યું થયું. પત્ની પાસે રૂપિયા ન હતા જેના કારણે 17 કલાક સુધી તે તેના પતિના મૃતદેહ પાસે બેસી રહી. આ દરમિયાન તેણે ઘણા લોકો પાસેથી મદદ માગી પરંતુ તેની મદદે કોઈ ન આવ્યું. હોસ્પિટલના ડૉક્ટરોને જ્યારે મહિલા વીશે ખબર પડી ત્યારે તેઓ પણ ચોંકી ગયા હતા. 

પીએમ કર્યા બાદ ડૉક્ટરોએ પોલીસને જાણ કરી હતી

ડૉક્ટરોએ પીએમ કર્યા બાદ પોલીસને જાણ કરી હતી. કોરોનાને કારણે ઘણા પરિવારોની આર્થિક સ્થિતી કથળી ગઈ છે. પત્નીનું કહેવું છે કે તેનો પતિને દારૂ પિવાની આદત હતી. તે બપોરે ભોજન કર્યા બાદ સુઈ ગયો ત્યારજબાદ ઉઠ્યોજ ન હતો. 

બાળક સાથે મહિલા મૃતદેહ પાસે બેસી રહી 

એમ્બ્યુલન્સને જ્યારે બોલાવામાં આવી ત્યારે ખ્યાલ આવ્યો, કે તેનો પતિ મૃત્યું પામ્યો હતો. સમગ્ર મામલે પત્નિએ તેના સંબંધીઓને ફોન કર્યો ત્યારે તેમણે એવું કહ્યું હતું કે મૃતદેહને લઈને તે ઝાંસી આવી જાય કારણકે પત્ની મૂળ ઝાંસીની રહેવાસી હતી. પરંતું તેની પાસે રૂપિયા ન હતા. જેથી આખો દિવસ તે તેના બાળક સાથે પતિના મૃતદેહ જોડે બેસી રહી 

સામાજિક સંસ્થાઓએ મદદ કરી 

ઉલ્લેખનીય છે કે સમગ્ર મામલે મહિલા પૂરી રીતે હતાશ થઈ ગઈ હતી. એક તરફ તેના પતિનું મૃત્યું થયું અને બીજી તરફ તેની પાસે રૂપિયા પણ ન હતા. આ મામલે જ્યારે સામાજિક સંસ્થાઓને ખબર પડી ત્યારે સામાજિક સંસ્થાઓ તેમની મદદ માટે આગળ આવી હતી.