એક કિસ્સો દક્ષિણ-પૂર્વી યુરોપિય દેશ સર્બિયામાંથી સામે આવ્યો છે, જેની લઈને દુનિયા ભરના પતિદેવોમાં ચર્ચાનો વિષય બન્યો છે.
પતિ-પત્નીના ઝઘડાએ લીધું રૌદ્ર સ્વરૂપ
ઘર કામમાં મદદ ન કરતા પત્નીએ પતિને પતાવી દીધો
દિકરીએ આખી ઘટના નજર સામે જોઈ
પતિ અને પત્ની વચ્ચેનો સંબંધ દુનિયામાં સૌથી ખાસ અને અલગ હોય છે. આ સંબંધ વગર દુનિયાનું કોઈ અસ્તિત્વ નથી. આપ જોતા હશો કે, લગ્નના સમયે પંડિતજી પતિ અને પત્ની બંનેને સુખ-દુ:ખમાં સાથે રહેવા માટે વચન લેવડાવે છે. જો કે, લગ્ન બાદ મોટા ભાગના લોકો આ વચનોથી દૂર ભાગતા જોવા મળે છે. ત્યારે આવા સમયે એ પણ જોવાનું રહેશે કે, જો પત્નિ નોકરી કરે છે, તો તેને ઓફિસની સાથે સાથે ઘરના કામ પણ કરવાના હોય છે. આવી સ્થિતિમાં ક્યારેક ક્યારેક તે ગુસ્સો પણ થઈ જતી હોય છે. જેના કારણે પતિ અને પત્ની વચ્ચે ઝઘડા થતાં રહેતા હોય છે. પણ ફક્ત આવા કારણથી પતિની હત્યા કરી નાખે, તેવું કદાચ ભાગ્યે જ માનવામા આવે. આવો જ એક કિસ્સો દક્ષિણ-પૂર્વી યુરોપિય દેશ સર્બિયામાંથી સામે આવ્યો છે, જેની લઈને દુનિયા ભરના પતિદેવોમાં ચર્ચાનો વિષય બન્યો છે.
હકીકતમાં જોઈએ તો, ઘરના કામોમાં મદદ ન કરવાના કારણે પત્નીએ પોતાના પતિને મોતને ઘાટ ઉતારી દીધો હતો. ફક્ત એટલું જ નહીં, તે એટલી નારાજ થઈ ગઈ કે તેણે પતિની ડેડબોડીના ટુકડા કરીને કડાઈમાં તળી નાખ્યા હતા. આ ઘટના વિશે જેણે પણ સાંભળ્યું તેના રુંવાડા ઉભા થઈ ગયા હતા.
દિકરીએ આખી ઘટના નજર સામે જોઈ
એક રિપોર્ટમાં જણાવ્યા અનુસાર, આ ઘટના ત્યારે ચર્ચામાં આવી જ્યારે ટેરેસા નામની મહિલાએ 10 મેની રાતે 9 વાગ્યે આ ઘટનાનો અંજામ આપ્યો હતો. દિકરીના જુબાની પર હાલમાં મહિલાની ધરપકડ કરી લેવામાં આવી છે. કહેવાય છે કે, જે સમયે મહિલાએ પોતાના પતિની હત્યા કરી રહી હતી, ત્યારે તેની દિકરી ત્યાં હાજર હતી.
બેભાન કરીને પતિને કાપી નાખ્યો
રિપોર્ટ્સમાં જણાવ્યા અનુસાર રાતનું જમવાનું એકલા બનાવીને મહિલા કંટાળી ગઈ હતી. તેને લઈને પત્નીએ પતિને ડ્રગ્સ આપીને બેભાન કરી નાખ્યો અને બાદમાં તેની હત્યા કરી નાખી હતી. જો કે, આટલેથી પણ તેનો ગુસ્સો શાંત થયો નહોતો. બાદમાં પતિની લાશના ટુકડા કરીને તેને કડાઈમાં તળી બાફી નાખ્યા હતા.
દિકરીએ જણાવી હકીકત
આ ઘટનાની સાક્ષી એવી દિકરીએ પોતાની આંખ સામે બનેલી આખી ઘટના કઈ રીતે બની તે જણાવ્યું હતું. તેણે બતાવ્યું તે જાણીને પોલીસના પણ રુંવાડા ઉભા થઈ ગયા હતા. ડી એલ્જે નામની દિકરીએ જણાવ્યું કે, હત્યા સમયે તેના પિતા નશામાં હતા, પણ તેમ છતાં પણ જીવ બચાવવા માટે તે ભાગતા રહ્યા હતા. બીજી બાજૂ તેની માતા ચાકૂથી તેના પિતા પર ઘા કરી રહી હતી.