ગેરવર્તણૂંક / બેંગલૂરૂમાં મંદિરના પૂજારી પર મહિલા થૂંકી, કર્મચારીએ તેને ઢસડીને બહાર કાઢી, વીડિયો વાયરલ

• બેંગલૂરૂમાં એક મંદિરમાં બની ચોંકાવનારી ઘટના
• વીડિયોમાં મંદિરનો કર્મચારી મહિલાને માર મારી રહ્યો હતો
• આ ઘટના 21 ડિસેમ્બરનાં રોજ બની હતી

મહિલા એવો દાવો કરી રહી હતી કે તે ભગવાન વેકટેશ્વરની પત્નિ છે. તે મૂર્તિની બાજુમાં બેસવા માંગતી હતી. પૂજારીએ મહિલાને ત્યાં બેસવા ન દીધી તો મહિલા પૂજારી પર થૂંકી. જે બાદ કર્મચારીઓએ તેની માર મારી મંદિરની બહાર કાઢી મુકી હતી.  ત્યારે આ મામલે મહિલાએ પોલીસ મથકમાં કેસ નોંધાવ્યો છે.

બેંગલૂરૂમાં એક મંદિરમાં ચોંકાવનારી ઘટના બનવા પામી છે. જેનો વીડિયો સામે આવ્યો છે.  જેમાં મંદિરનો કર્મચારી એક મહિલાને માર મારી રહ્યો છે અને મહિલાને મંદિર બહાર ખેંચીને લઈ જઈ રહ્યો છે. જાણવા મળી રહ્યું છે કે આ ઘટના 21 ડિસેમ્બરનાં રોજ બની હતી.

In Bengaluru, K'taka, a SC woman was beaten up and hurled with caste slurs by savarna priests for entering a Hindu temple and trying to offer her worship.

Fighting for entering Hindu temples is not our movement. Embrace Buddhism.pic.twitter.com/0dOWxEC0NP

— Mission Ambedkar (@MissionAmbedkar) January 6, 2023

મહિલાએ પાંચ જાન્યુઆરીએ પોલીસમાં ફરિયાદ નોંધાવી
ત્યારે મહિલાએ પાંચ જાન્યુઆરીના રોજ પોલીસમાં ફરિયાદ નોંધાવી છે. મહિલાએ કહ્યું છે કે તેને મંદિરમાં માર મારવામાં આવ્યો હતો અને તેને ઢસડીને મંદિર બહાર કાઢી મુકવામાં આવી હતી. જે બાદ પોલીસે આરોપી કર્મચારી વિરૂદ્ધ આઈપીસી 354, 323, 324, 504, 506 મુજબ ગુનો નોંધ્યો છે.

તપાસમાં એવું સામે આવ્યું છે કે મહિલા એવો દાવો કરી રહી છે કે તે ભગવાન વેકટેશ્રરની પત્ની છે. તે મૂર્તિની બાજુમાં બેસવા માંગે છે. ત્યારે ત્યાં હાજર રહેલ પૂજારીએ તેને બેસવાની અનુમતી ન આપી. તેમણે મહિલાને મંદિર બહાર જવાનું કહ્યું, તો મહિલા પૂજારી પર થૂંકી.

સ્થાનિકોનો દાવો - મહિલા માનસિક રીતે અસ્વસ્થ છે 
આ પછી મંદિરના કર્મચારીઓએ મહિલાને માર માર્યો અને તેને મંદિરની બહાર ખેંચી ગયો. સ્થાનિક લોકોનો દાવો છે કે મહિલા માનસિક રીતે અસ્વસ્થ છે. જો કે, ફૂટેજ સામે આવ્યા બાદ પોલીસે આરોપી કર્મચારી વિરુદ્ધ કેસ નોંધ્યો છે.